Bugun sinab ko‘ring, ertaga farqni ko‘rasiz.
7 kun bepul, to‘lov kartasi so‘ralmaydi. Keyin kuniga 6 630 so‘mdan — do‘kon turiga qarab.
Bepul boshlashNon, sut, tarozidagi tovar va uzilmaydigan navbat — mahalla do‘koni ham, minimarket ham shunday ishlaydi. BuySale’da tovarlar ketma-ket skanerlanadi, tarozi bosgan yorliqdagi og‘irlik savatga o‘zi tushadi, srogi yaqinlashgan tovar esa o‘zi ro‘yxatga chiqadi — hammasi telefoningizda.
Tarozi bosgan yorliqni skanerlaysiz, og’irlik kod ichidan o’qiladi. Kirimda esa srok katagi chiqadi.
Sotuvda skaner ochiq qoladi: tovarlarni ketma-ket tutasiz, bazada bor va qoldig‘i yetadigan tovar savatga o‘zi tushadi. Ekran pastida savat nomi, nechta xil tovar borligi va umumiy summa ko‘rinib turadi. Kod bazada topilmasa skaner yopiladi va kodni tovarga biriktirish taklif qilinadi — keyingi safar darhol topiladi.
Bu bo‘lim aynan oziq-ovqat turidagi do‘kon uchun ochiladi. Og‘irlikda sotiladigan har bir tovarga ilovada tarozi raqami (PLU) beriladi va o‘sha raqam tarozingizga kiritiladi — sozlash bir marta bo‘ladi, keyin sotuvchi hech narsa yozmaydi. Kod tuzilishi, 22 va 21 formatining farqi va tarozini sozlash — tarozi yorlig‘i qo‘llanmasida.
Ombordagi tovar kartochkasida “Tarozi raqami” bo‘limi turadi: 5 xonali raqam beriladi va ilova sinab ko‘rish uchun namuna kod ko‘rsatadi.
Tarozi yorliqni do‘kon ichi formatida bosadigan qilib sozlangan bo‘lishi kerak: og‘irlik uchun 22, narx uchun 21 bilan boshlanadigan 13 xonali kod.
Yorliq o‘qilishi bilan tovar ham, og‘irligi ham savatga tushadi. Raqam hech qaysi tovarga biriktirilmagan bo‘lsa, ilova buni aytadi va noto‘g‘ri tovar qo‘shib yubormaydi.
Oziq-ovqatda pul ikki joyda yo‘qoladi: e’tibordan chetda qolgan srokda va javonda tugab qolgan tovarda. Ikkalasi ham ombor hisobida alohida ro‘yxat bo‘lib o‘zi chiqadi.
Bir tovar ikki marta kelsa, har kelgani o‘z sanasi va o‘z srogi bilan alohida partiya bo‘lib yoziladi. Sotuvda srogi eng erta tugaydigani birinchi yechiladi, kartochkada esa qaysi partiya qancha qolgani ko‘rinadi va srokni tuzatasiz.
Srogiga bir hafta va undan kam qolgan tovarlar bosh sahifada hamda omborda alohida ro‘yxat bo‘ladi. Shu ro‘yxatning hammasiga bir bosishda chegirma qo‘yasiz; chegirmali narx kassada ham, chekda ham, foyda hisobida ham bir xil chiqadi.
Har tovarga “kam qoldi” chegarasi qo‘yiladi — oziq-ovqatda standart 5 dona, xohlasangiz o‘zingiznikini yozasiz. Qoldiq shundan pastga tushsa, tovar bosh sahifada va omborda sariq bo‘lib ko‘rinadi.
Mahalla do‘konida nasiyasiz bo‘lmaydi. Kassada to‘lov turi “Qarzga” tanlansa avval telefon raqami so‘raladi: bazada bor mijoz bo‘lsa ismi va ochiq qarzi darhol ko‘rinadi, yangi bo‘lsa ism maydoni chiqadi. Qarz nasiya daftariga o‘zi tushadi.
Mijoz pulning bir qismini bersa, “hozir qancha berdi” degan joyga shu summani yozasiz — qolgani o‘zi hisoblanib qarzga tushadi.
Pul olib kelganda qarzi ustiga summani yozasiz: bo‘lib-bo‘lib to‘lasa ham qoldiq kamayib boradi, qolgan qarzdan ko‘p summa qabul qilinmaydi. Kun davomidagi qarz to‘lovlari smena kassasiga ham qo‘shiladi.
Har mijoz yonida rangli nuqta turadi — u haqiqiy tarixdan hisoblanadi: nechta qarzini o‘z vaqtida yopgani, o‘rtacha necha kun kechikkani. Ehtiyot bo‘lish kerak bo‘lsa, qarz yozayotganda ekranda ogohlantirish chiqadi.
Mijozga “shundan ortiq qarz berilmasin” degan chegara qo‘yasiz yoki butunlay bloklaysiz — limitdan oshsa yangi qarz yozilmaydi.
Kun yakuni har kuni belgilangan soatda Telegram’ga o‘zi keladi — ilovani ochish shart emas: savdo, naqd/karta/qarz, foyda, xarajat, qarzga yozilgani va tugayotgan tovarlar. Standart soat 22:00, uni 18:00 dan 23:00 gacha o‘zgartirasiz yoki butunlay o‘chirasiz; buning uchun do‘kon egasi Telegram botni ochib qo‘ygan bo‘lishi kerak.
Narxni do‘kon turi belgilaydi va u shu turdagi hamma do‘kon uchun bir xil. Bu turda AI yordamchiga berilgan savol uchun alohida pul yechilmaydi. Hamma turlarning narxi va narx ichiga nima kirishi — narxlar sahifasida, boshqa dasturlar qancha so‘rashi esa do‘kon dasturlari narxi tadqiqotida.
Hisob kunlik, oylik shartnoma yo‘q; xodim, kassa va tovar soni uchun ustiga to‘lov qo‘shilmaydi; sozlash 0 so‘m; 7 kun bepul. Fiskal kassa emas.
Yuqoridagi raqam shu do‘kon turi uchun amaldagi narx. Boshqa dasturlarning e’lon qilingan narxlari «Do‘kon dasturlari narxi» sahifasida manba havolasi va tekshirilgan sanasi bilan yig‘ilgan.
Alohida “minimarket” turi yo‘q: oziq-ovqat do‘koni ham, minimarket ham ilovada “Oziq-ovqat” turi bo‘lib ro‘yxatdan o‘tadi. Shu sahifadagi hamma narsa — tarozi yorlig‘i, partiya va srok — aynan shu turda ochiladi. Narxi — 6 630 so‘m/kun, 30 kunga 198 900 so‘m.
Tarozi yorliqni do‘kon ichi formatida bossa ishlaydi: 13 xonali kod, og‘irlik uchun 22, narx uchun 21 bilan boshlanadi, tarozi raqami esa 5 xona bo‘ladi. O‘sha raqamni har bir tovarga ilovada berasiz va tarozining o‘ziga kiritasiz. Tarozingiz bunday yorliq bosmasa, og‘irlikni savatda qo‘lda yozasiz.
Telefon kamerasi yetadi. Android’da brauzerning o‘z o‘qish dvigateli ishlaydi — eng tez yo‘l; iPhone’da bunday dvigatel yo‘q, kod dastur kutubxonasi orqali o‘qiladi va sekinroq bo‘lishi mumkin. Kompyuterda kod oxirida Enter yuboradigan USB skaner ham ishlaydi — skanerlashdan oldin narx yoki miqdor maydonidan chiqib turing, aks holda kodning birinchi ikki belgisi o‘sha maydonga tushib qoladi.
Yo‘q. BuySale chiqaradigan chek — oddiy hisob varaqasi: do‘kon nomi, sana, sotuvchi, tovarlar, jami va to‘lov turi. Unda fiskal belgi ham, soliq QR kodi ham yo‘q, ya’ni u kassa apparatining o‘rnini bosmaydi. Chek brauzerning chop etish oynasi orqali chiqadi, eni esa do‘kon bo‘yicha bir marta tanlanadi — 58 yoki 80 mm.
Yo‘q. Skaner markirovkadagi Data Matrix kodini o‘qimaydi va BuySale Asl belgisi tizimiga ulanmagan — dastur davlat tizimlariga hech narsa yubormaydi. Bunday tovarni BuySale’da qadoqdagi oddiy shtrix-kod (EAN yoki UPC) bilan yuritasiz, u bo‘lmasa do‘konning o‘z kodini yasab, yorliq chop etasiz. Qaysi tovaringiz majburiy markirovkaga tushishini va uni sotishda nima talab qilinishini soliq organidan (soliq.uz) yoki buxgalteringizdan aniqlang.
Android yoki Windows ilovasida — ha: sotuv, qarz va to‘lovlar 7 kungacha navbatga yoziladi va aloqa qaytgach serverga o‘zi yuboriladi. Brauzerdagi veb-versiyada esa aloqa bo‘lmasa sotuv yozilmaydi, shuning uchun kassada ilovani o‘rnatgan ma’qul.
Hozircha alohida “hisobdan chiqarish” tugmasi yo‘q. Bunday tovar inventarizatsiya orqali chiqariladi: javondagini skanerlab sanaysiz va qoldiq haqiqiy holatga to‘g‘rilanadi. Shuning uchun srogi yaqinlari ro‘yxati muhim — chegirma qo‘yib sotib yuborgan, tashlab yuborgandan ko‘ra foydaliroq.
Kirim narxini ko‘rish alohida ruxsat: ruxsati yo‘q xodimga tannarx ham, foyda ham umuman yuborilmaydi — ekranda ham, Excel faylida ham yo‘q. Qarzga sotish, qaytarish va hisobot ham alohida ruxsat. Sotuvchi do‘kon raqami va o‘zining 4 xonali PIN-kodi bilan kiradi. U kirganda sizga Telegram’ga xabar keladi — buning uchun Telegram bot ochib qo‘yilgan bo‘lishi kerak, xabarni sozlamadan o‘chirib ham qo‘ysangiz bo‘ladi.
Ha, ikkinchi do‘kon filial bo‘lib ochiladi: alohida ro‘yxatdan o‘tmaysiz, ikkalasi bitta hisobda va bitta balansda turadi, ular orasida bir bosishda o‘tasiz. Qoldiq, sotuv va foyda har filialda alohida yuritiladi va aralashmaydi; tovarni bir do‘kondan ikkinchisiga o‘tkazma bilan yuborasiz. Ikkala do‘konning bugungi savdosi va foydasi kechki Telegram hisobotida jami bilan keladi, ilovadagi hisobotlar esa har filialda alohida. Qanday ochiladi va qancha turadi — filiallar sahifasida.
Tarozi yorlig‘idagi shtrix-kod qanday o‘qiladi: 21 va 22 bilan boshlanadigan kod, PLU raqami, og‘irlik va narx. Qaysi do‘kon turida ishlaydi va nima kerak.
Batafsil →Kam qolgan tovardan dastur o‘zi ro‘yxat tuzadi va oxirgi 30 kunlik savdoga qarab qancha olishni taklif qiladi. Ro‘yxatni nusxalaysiz yoki A4 qilib chop etasiz.
Batafsil →Nasiya va qarz daftari ilovasi: kassada qarzga sotasiz, mijozni telefon raqamidan topasiz, qisman to‘lov yozasiz. Qarzdorlar, muddat va to‘lov odati bir joyda.
Batafsil →BuySale narxi do‘kon turiga qarab: 6 630 so‘m/kundan boshlanadi, 30 kunga 198 900 so‘m. 7 kun bepul, sozlash haqi yo‘q.
Batafsil →9 do‘kon turi: oziq-ovqat, dorixona, kiyim, qurilish, zargarlik, parfumeriya, telefon, xo‘jalik mollari va boshqa — har birining maydonlari va narxi.
Batafsil →
7 kun bepul, to‘lov kartasi so‘ralmaydi. Keyin kuniga 6 630 so‘mdan — do‘kon turiga qarab.
Bepul boshlashBuySale yordamchisi
Sayt ma’lumotlari asosida javob beradi
AI xato qilishi mumkin — muhim savolni Telegram orqali aniqlang.
Javob yozilmoqda