Kod, yorliq va sotuv — bitta ilovada
7 kun bepul, to‘lov kartasi so‘ralmaydi. Keyin kuniga 6 630 so‘mdan — do‘kon turiga qarab. Kodsiz tovarga kod va yorliq kirimda chiqadi, kassada esa telefon kamerasi skanerlaydi.
Bepul boshlashZavod kodi yo‘q tovarga shu yerda 20 bilan boshlanadigan ichki EAN-13 kod yasaysiz, SVG yoki PNG qilib olasiz va yorliqqa chop etasiz. Bunday kod faqat do‘koningiz ichida ishlaydi: tovarni tarmoq do‘koni yoki marketpleysga topshirsangiz, odatda GS1 Uzbekistan beradigan kod so‘raladi.
Tovar raqamini yozing — oldiga 20, oxiriga nazorat raqami o‘zi qo‘shiladi. Kod brauzeringizning o‘zida chiziladi va hech qayerga yuborilmaydi.
A4 varaqdagi yorliqlar qaychi bilan kesiladi. Chop etish oynasida printeringizni tanlang va masshtabni 100% qiling; rulon printerda qog‘oz o‘lchami yorliq o‘lchamiga teng bo‘lsin. Butun rulonni bosishdan oldin bitta yorliqni chiqarib, telefon skaneri bilan sinab ko‘ring.
Manbalar: GS1 Uzbekistan — O‘zbekistonda GTIN kodlarini beradigan tashkilot; GS1 prefikslar ro‘yxati — 200–299 cheklangan muomala uchun, 478 — O‘zbekiston. Tekshirilgan: 2026-yil 4-oktabr.
Ichki kodning sifati raqamlash tartibiga bog‘liq. Bir marta tartib qo‘ysangiz, yuz tovarda ham adashmaysiz.
Generator yasagan kod o‘n uch raqamdan iborat:
Nazorat raqami shunday hisoblanadi. Masalan, 12345 tovar raqami uchun dastlabki o‘n ikki raqam — 200000012345. O‘ngdan boshlab birinchi, uchinchi, beshinchi va hokazo raqamlar 3 ga, qolganlari 1 ga ko‘paytiriladi va qo‘shiladi: 5×3 + 4×1 + 3×3 + 2×1 + 1×3 + 2×1 = 35 (nollar hisobga qo‘shilmaydi). 35 ni eng yaqin o‘nlikkacha (40) to‘ldiradigan son — 5. Tayyor kod: 2000000123455.
Shuning uchun bitta raqam xato terilsa ham, chiziq o‘chib ketsa ham, skaner kodni rad etadi — savatga boshqa tovar tushib qolmaydi. Generatorning «Menda 12 yoki 13 raqam bor» rejimi qo‘lingizdagi kodni xuddi shu yo‘l bilan tekshiradi.
Generator bitta-ikkita tovar uchun qulay. Do‘kon dasturida esa bu ish o‘zi bajariladi va kod tovar kartochkasiga yozilib qoladi.
Kodsiz tovarga ilova 20 bilan boshlanadigan kodni o‘zi yasaydi: 20, do‘kon raqami, tovar raqami va nazorat raqami. Do‘koningizda band kod qayta berilmaydi.
Kirimni saqlash bilan yorliq chiqarasiz: 1, 4, 8, 12 yoki 24 nusxa, narx — xohishingizga ko‘ra. A4 varaqda yoki rulonda: 40×30, 58×40, 58×30, 43×25, 30×20 mm yoki o‘zingiz yozgan o‘lcham.
Kassada kod telefon kamerasi bilan o‘qiladi. Bazada yo‘q kodni o‘sha zahoti tovarga biriktirasiz, bitta tovarga bir nechta kod sig‘adi.
Tor birkaga chiziqli kod sig‘maydi: zargarlik do‘konida birkaga proba, razmer, massa, vstavka va QR kod bosiladi.
Batafsil: shtrix-kod va yorliq qo‘llanmasi va telefon skaner sifatida. Yorliq ham, chek ham brauzerning chop etish oynasi orqali chiqadi — printerga to‘g‘ridan-to‘g‘ri ulanish yo‘q.
Ha. Do‘kon ichida tovarni tanib olish uchun 20 bilan boshlanadigan ichki kod yetadi: uni EAN-13 o‘qiydigan har qanday skaner va telefon kamerasi o‘qiydi. Faqat har tovarga alohida raqam bering va ro‘yxatini yuritib boring.
Yo‘q. Tarmoq do‘konlari va marketpleyslar odatda ishlab chiqaruvchiga berilgan GS1 kodini so‘raydi — O‘zbekistonda uni GS1 Uzbekistan beradi, kodlar 478 bilan boshlanadi. 20 bilan boshlanadigan kod boshqa do‘kon bazasida boshqa tovarga tegishli bo‘lishi mumkin.
Kodning oxirgi, o‘n uchinchi raqami. U oldingi o‘n ikki raqamdan hisoblanadi va skaner kod to‘g‘ri o‘qilganini shu bilan tekshiradi. Generator uni o‘zi qo‘yadi, 13 xonali kodni kiritsangiz — tekshirib beradi.
GS1 qoidasida 20–29 bilan boshlanadigan raqamlar cheklangan muomala uchun ajratilgan va ishlab chiqaruvchilarga berilmaydi. Shuning uchun 20 li ichki kod hech qachon zavod kodiga to‘g‘ri kelib qolmaydi. 21 va 22 esa BuySale’ning oziq-ovqat do‘konida tarozi yorliqlari uchun band.
Istalganida: oddiy printerda A4 varaqqa 24 tadan bosib qaychi bilan kesasiz yoki yorliq printerida rulonga chiqarasiz (40×30, 58×40, 58×30, 43×25, 30×20 mm). Chop etish oynasida masshtab 100% bo‘lsin, rulon printerda esa qog‘oz o‘lchami yorliq o‘lchamiga teng bo‘lsin.
SVG chiziqlarni har qanday o‘lchamda aniq saqlaydi — dizayn dasturi va yorliq shablonlari uchun shu ma’qul. PNG — oddiy rasm (468 × 152 piksel), Word yoki Excel’ga qo‘yish uchun qulay; uni cho‘zib kattalashtirmang.
Yo‘q. Kod brauzeringizda yasaladi va serverga yuborilmaydi, sahifani yopsangiz hech narsa qolmaydi. Faylni yuklab oling va qaysi raqam qaysi tovarga berilganini yozib qo‘ying.
Telefonda kassa dasturi: shtrix-kodni kamera o‘qiydi, naqd, karta va qarzga sotish, 58/80 mm chek, smena hisobi. Fiskal chek bermaydi. 7 kun bepul.
Batafsil →Ombor va tovar hisobi telefonda: qoldiq va kirim, srok va partiya, kam qolgan tovar, inventarizatsiya va Excel’ga yuklab olish. Excel’dan import yo‘q.
Batafsil →Do‘konda inventarizatsiya qanday qilinadi: tayyorgarlik, birkani ketma-ket skanerlash, farqlarni ko‘rib chiqish va qoldiqni to‘g‘rilash — qadamba-qadam.
Batafsil →Skaner, chek va yorliq printeri, tarozi va fiskal kassa: nima rostdan kerak, nimani keyinga qoldirsa bo‘ladi. Telefon kamerasi qayerda yetadi — betaraf javob.
Batafsil →
7 kun bepul, to‘lov kartasi so‘ralmaydi. Keyin kuniga 6 630 so‘mdan — do‘kon turiga qarab. Kodsiz tovarga kod va yorliq kirimda chiqadi, kassada esa telefon kamerasi skanerlaydi.
Bepul boshlashBuySale yordamchisi
Sayt ma’lumotlari asosida javob beradi
AI xato qilishi mumkin — muhim savolni Telegram orqali aniqlang.
Javob yozilmoqda