Bugun sinab ko‘ring, ertaga farqni ko‘rasiz.
7 kun bepul, to‘lov kartasi so‘ralmaydi. Keyin kuniga 6 630 so‘mdan — do‘kon turiga qarab.
Bepul boshlashZargarlik — tilla va oltin do‘konida har bir uzuk, sirg‘a va zanjir o‘z kartochkasida turadi: probasi, massasi, o‘lchami va vstavkasi yozilgan, birkasida QR kod. Narx gramm narxidan o‘zi chiqadi, “585 dan jami necha gramm bor” degan savolga esa ombor bir ekranda javob beradi.
Kirimda proba, massa, o’lcham va vstavka alohida maydon bo’lib chiqadi. Sotuv narxi massa va probaning gramm narxidan hisoblanadi.
Ro‘yxatdan o‘tayotganda do‘kon turini “zargarlik” deb tanlaysiz — shu kundan boshlab ilova zargarlik ishiga moslanadi. Turni keyin ham Profil > Do‘kon ma’lumotlaridan o‘zgartirsangiz bo‘ladi.
Zargarlik birkasi oddiy javon yorlig‘idan boshqacha chiqadi — tor va uzun. Chiziqli shtrix-kod bunday birkaga sig‘maydi, shuning uchun unga QR kod bosiladi; ilovaning skaneri QR ni ham, oddiy shtrix-kodlarni ham o‘qiydi. Birka va yorliq chop etish — shtrix-kod va yorliq qo‘llanmasida.
To‘rt qator — Проба, Размер, Масса, Вставка — ustida QR kod va buyum kodi. Birka eni 54 mm, QR esa 14×14 mm, ya’ni mayda birkadan ham bemalol o‘qiladi.
Ochiq aytamiz: zargarlik birkasiga narx bosilmaydi. Narx yozish katakchasi faqat oddiy javon yorlig‘ida bor — oltin narxi tez o‘zgaradi, birka esa buyumda qolib ketadi.
Zavod kodi yo‘q buyumga bir bosishda do‘konning o‘z kodi yasaladi — u “20” bilan boshlanadi va haqiqiy zavod kodi bilan hech qachon chalkashmaydi. Birkadagi raqam boshqa buyumda band bo‘lsa, yangisiga ichki kod beriladi.
Birkani kirim saqlangandan keyin yoki ombor kartochkasidan bir necha nusxada chiqarasiz; zargarlikda nusxa soni har safar 1 dan boshlanadi. Profil > Yorliq printeri bo‘limida rulon o‘lchamini tanlaysiz (40×30, 58×40, 58×30, 43×25, 30×20 mm yoki o‘zingiz yozgani), sinov birkasi ham shu yerdan chiqadi.
Profilda har probaning 1 gramm narxini yozib qo‘yasiz (585, 750 va boshqalar) — shundan keyin kirimda ish qisqaradi. Nakladnoy suratidan ham tayyor ro‘yxat tuziladi: proba, massa, o‘lcham va vstavka alohida ustunlarga tushadi va ro‘yxat siz tasdiqlaguningizcha omborga kirmaydi.
Uzuk, Sirg‘a, Zanjir — tayyor tugmalardan bosasiz yoki o‘z so‘zingizni yozasiz. Bo‘sh maydonlardagi namunalar ham zargarlikcha: “Uzuk 585”.
Probani tayyor tugmalardan tanlaysiz, massani grammda yozasiz. Xohlasangiz birkani kamera bilan suratga olasiz — nom, kod, narx va shu to‘rt maydon o‘zi to‘ladi. Suratni sun’iy intellekt o‘qiydi, ya’ni internet kerak; saqlashdan oldin ko‘zdan kechiring, chunki proba siz tanlagan qiymat ustiga yoziladi.
Sotuv narxi massa × probaning gramm narxi bo‘lib chiqadi. Boshqa narx aytmoqchi bo‘lsangiz qo‘lda yozasiz — o‘shanisi qoladi.
Kirim saqlangan zahoti birka chiqariladi va buyum javonga shu birka bilan tushadi. Keyin ham ombor kartochkasidan qayta chiqarish mumkin.
Inventarizatsiyada buyumlarni birkasidagi QR dan ketma-ket skanerlaysiz, skaner har safar yopilmaydi. Tekshirilgani serverda saqlanadi: ekrandan chiqib ketsangiz ham, boshqa telefondan kirsangiz ham o‘sha joyidan davom etadi. Oxirida farq chiqqan buyumlar ro‘yxati ko‘rsatiladi va qoldiq to‘g‘rilanadi.
Bir necha soatlik sanoqni qaytadan boshlash uchun tasdiq kodi do‘kon egasining Telegram’iga boradi. Xodim ham, tasodifiy bosish ham buni bajara olmaydi.
Kassada to‘lov turini “Qarzga” deb tanlaysiz: avval telefon raqami so‘raladi, bazada bor mijoz bo‘lsa ismi va ochiq qarzi darhol chiqadi. Mijoz bir qismini bergan bo‘lsa, qo‘lga tekkan summani yozasiz — qolgani o‘zi hisoblanib qarz daftariga tushadi. Chegirma qo‘yilgan buyum savatda bo‘lsa, to‘lovni bo‘lib yozish hozircha saqlanmaydi — bunday sotuvni butunlay naqd, karta yoki qarzga yozasiz.
Kassadan yozilgan qarzga muddat qo‘yilmaydi — muddatli qarzni “Qarz yozish” ekranidan yoki mijoz kartochkasidan yozasiz. Har mijozga kredit chegarasi qo‘yiladi yoki u bloklanadi: chegaradan oshsa, yangi qarz yozilmaydi.
Va’da berishdan oldin ochiq aytib qo‘yamiz — shunda kutganingiz bilan ko‘rganingiz bir bo‘ladi.
Narxni do‘kon turi belgilaydi va u shu turdagi hamma do‘kon uchun bir xil. Bu turda AI yordamchi so‘rovi alohida yechiladi (sinov muddatida ham): savol — 100 so‘m, yorliqdan o‘qish — 10 so‘m. Hamma turlarning narxi va narx ichiga nima kirishi — narxlar sahifasida, boshqa dasturlar qancha so‘rashi esa do‘kon dasturlari narxi tadqiqotida.
Hisob kunlik, oylik shartnoma yo‘q; xodim, kassa va tovar soni uchun ustiga to‘lov qo‘shilmaydi; sozlash 0 so‘m; 7 kun bepul. Fiskal kassa emas.
Yuqoridagi raqam shu do‘kon turi uchun amaldagi narx. Boshqa dasturlarning e’lon qilingan narxlari «Do‘kon dasturlari narxi» sahifasida manba havolasi va tekshirilgan sanasi bilan yig‘ilgan.
Yo‘q. Profildagi gramm narxi yangi kirimda ishlaydi, ombordagi tayyor buyumlar esa o‘zi qayta hisoblanmaydi — ularga AI yordamchining proba bo‘yicha narx taklifi orqali birdan yangi narx qo‘yasiz: u qaysi buyum qanday narxga o‘tishini ko‘rsatadi, siz tasdiqlaysiz, natija yoqmasa orqaga qaytarasiz.
Birkadagi QR skanerlanadi va buyum kassada o‘z narxi, probasi, massasi, o‘lchami va vstavkasi bilan chiqadi. Narx birkada bo‘lmagani uchun gramm narxi o‘zgarganda birkalarni qaytadan chiqarib o‘tirish shart emas.
Kirimda buyumni yozasiz, shtrix-kodi yo‘q bo‘lsa bir bosishda do‘konning o‘z kodi yasaladi — u “20” bilan boshlanadi va zavod kodi bilan chalkashmaydi. Shu zahoti birka chop etiladi, buyum javonga birka bilan tushadi.
Inventarizatsiya serverda saqlanadi: ekrandan chiqsangiz ham, ertasiga boshqa telefondan kirsangiz ham qayerda to‘xtagan bo‘lsangiz o‘sha yerdan davom etadi. Sanoqni noldan boshlash uchun esa tasdiq kodi do‘kon egasining Telegram’iga boradi.
Lom grammda hisobga olinadi va kasrli miqdor yoziladi — 2,35 g deb yozaverasiz. Probalar hisobida buyumlar ham, lom ham bitta grammga keltirib qo‘shiladi, ya’ni “585 dan jami necha gramm” degan raqam lomni ham o‘z ichiga oladi.
Kirim narxini ko‘rish alohida ruxsat: ruxsati yo‘q xodimga tannarx ham, foyda ham umuman yuborilmaydi — ekranda ham, Excel faylida ham chiqmaydi. Qarzga sotish, qaytarish va narx o‘zgartirish ham alohida-alohida ruxsat bo‘lib beriladi.
Telefon kamerasi qaysi shtrix-kodlarni o‘qiydi, kodni tovarga qanday biriktiriladi, kodsiz tovarga EAN-13 yasash va yorliqni A4 yoki rulonda chop etish.
Batafsil →Nasiya va qarz daftari ilovasi: kassada qarzga sotasiz, mijozni telefon raqamidan topasiz, qisman to‘lov yozasiz. Qarzdorlar, muddat va to‘lov odati bir joyda.
Batafsil →Do‘kon uchun AI yordamchi — sun’iy intellekt: nima qolgani, kim qarzdor, qancha foyda borligini so‘rang. Sotuv narxini faqat tasdiq bilan o‘zgartiradi.
Batafsil →BuySale narxi do‘kon turiga qarab: 6 630 so‘m/kundan boshlanadi, 30 kunga 198 900 so‘m. 7 kun bepul, sozlash haqi yo‘q.
Batafsil →9 do‘kon turi: oziq-ovqat, dorixona, kiyim, qurilish, zargarlik, parfumeriya, telefon, xo‘jalik mollari va boshqa — har birining maydonlari va narxi.
Batafsil →
7 kun bepul, to‘lov kartasi so‘ralmaydi. Keyin kuniga 6 630 so‘mdan — do‘kon turiga qarab.
Bepul boshlashBuySale yordamchisi
Sayt ma’lumotlari asosida javob beradi
AI xato qilishi mumkin — muhim savolni Telegram orqali aniqlang.
Javob yozilmoqda