Ta’minotchiga buyurtma — kam qolgan tovar ro‘yxati

Qancha olish kerakligini o‘zi taklif qiladi

Taklif ikki o‘lchovning kattasidan olinadi: oxirgi 30 kunlik sotuv tezligi bo‘yicha yana 14 kunga yetadigan miqdor, yoki “kam qoldi” chegarasining ikki barobari. Shu maqsaddan ombordagi hozirgi qoldiq ayriladi — ya’ni taklif yetishmayotgan qism. Raqam taklif bo‘lib qoladi: oxirgi qaror sizda, har satrda “−” va “+” tugmalari bor.

Chegaraga tushgan tovarlar o‘zi ro‘yxatga tushadi — eng ko‘p yetishmayotgani birinchi
Har satrda qoldiq va “30 kunda: N” — taklifni o‘z savdongizga solishtirasiz
Ta’minotchilar bo‘yicha ajratiladi: har biriga alohida ro‘yxat tayyor bo‘ladi
Salom, raqamlangan ro‘yxat va do‘kon nomi bilan tayyor matn — nusxa olasiz
A4 varaq: sana, do‘kon ma’lumoti, jadval va ikkita imzo joyi — “berdi” va “qabul qildi”
Tarix: oxirgi 30 ta buyurtma holati bilan — qoralama, yuborilgan, qabul qilingan

Buyurtma ekrani — ilovaning o‘zidan

Kam qolgan tovarlar ro‘yxati, ombor va ta’minotchilar bo‘limi telefonda shunday ko‘rinadi.

Buyurtma ekrani: kam qolgan tovarlar ro‘yxati va miqdor tugmalari — **Buyurtma**Kam qolgan tovarlar va har biriga taklif qilingan miqdor.

Ombor ekrani: tovarlar ro‘yxati, qoldiq va narxlar — **Ombor**Nechta xil tovar, kelgan narxda va sotilsa qancha. Kam qolgan va srogi yaqin alohida.

Postavshiklar ro‘yxati va ularga bo‘lgan qarz summalari — **Postavshiklar**Kimga qancha qarzdorsiz — eng kattasidan boshlab, jami summa tepada.

Suratlar namoyish do‘konidan olingan: ulardagi tovar nomlari, mijozlar va summalar o‘ylab topilgan. Haqiqiy do‘kon ekranida mijozlarning ismi va qarzi turadi, shuning uchun ularni saytga qo‘ymaymiz. Ekranning ko‘rinishi esa aynan shunday.

Bu bo‘lim nima QILMAYDI

Eng muhimi birinchi bo‘lib yozilgan — chunki ko‘pchilik aynan shuni kutadi.

Buyurtma ta’minotchiga O‘ZI yuborilmaydi: ilovada uning telefon raqamini kiritadigan joy yo‘q, raqamsiz esa Telegram ham, SMS ham ketmaydi. Matnni nusxalab o‘zingiz yuborasiz yoki chop etasiz
“Tovar keldi” deb belgilash ombor qoldig‘ini OSHIRMAYDI — bu faqat belgi. Kelgan tovar Kirim orqali alohida kiritiladi
Buyurtmada narx va summa saqlanmaydi — faqat nomi, miqdori va o‘lchov birligi. Ekrandagi taxminiy summa yuboriladigan matnga ham, varaqqa ham tushmaydi
Ro‘yxatga qo‘lda yangi satr yozib qo‘shib bo‘lmaydi — u faqat omborda bor, chegaraga tushgan tovarlardan tuziladi
Saqlangan buyurtmani tahrirlab bo‘lmaydi: faqat holatini o‘zgartirish yoki o‘chirish mumkin
Ta’minotchining javobi ilovaga qaytmaydi — holatni do‘konchining o‘zi belgilaydi
Telefon va zargarlik do‘konida taklif ro‘yxati umuman chiqmaydi — u yerda har buyum yakka hisoblanadi
Yetkazib berish sanasi, buyurtma raqami, to‘lov holati va qisman kelgan tovarni belgilash yo‘q
Jadval bo‘yicha o‘zi ketadigan avtomatik buyurtma yo‘q — har safar tugmani siz bosasiz

Ko‘p beriladigan savollar

“Kam qoldi” chegarasini o‘zim qo‘ya olamanmi?

Ha, va u har bir tovarga alohida. Ombor bo‘limida tovar kartochkasini ochib chegarani yozasiz: tez ketadigan tovarga balandroq, sekin ketadiganiga pastroq. Do‘kon turiga qarab beriladigan standart qiymat faqat boshlang‘ich nuqta — oziq-ovqatda 5, parfumeriyada 3, kiyimda 2. Qoldiq hisobdagiga to‘g‘ri kelmasa, avval inventarizatsiya qiling — taklif shundan keyin aniq bo‘ladi.

Bir nechta ta’minotchiga birdan yuborsa bo‘ladimi?

Yo‘q, har biri alohida tanlanadi. Ro‘yxat tepasida ta’minotchilar tugmalari turadi: birini tanlaysiz — matn, summa va chop etish faqat o‘sha guruh bo‘yicha ketadi. Ta’minotchisi belgilanmagan tovarlar oxirgi guruhda to‘planadi.

Tovar kelgach omborga o‘zi tushadimi?

Yo‘q. “Tovar keldi” tugmasi faqat buyurtma holatini o‘zgartiradi — qoldiqqa tegmaydi. Kelgan tovarni Kassa bo‘limidagi “Tovar kirimi” orqali kiritasiz: shunda partiya ochiladi, qoldiq oshadi va ombor jurnaliga yozuv tushadi. Buni ataylab ajratganmiz: buyurtma qilingan narsa bilan haqiqatan kelgan narsa ko‘pincha bir xil bo‘lmaydi.

Bugun sinab ko‘ring, ertaga farqni ko‘rasiz.

7 kun bepul, to‘lov kartasi so‘ralmaydi. Keyin kuniga 6 630 so‘mdan — do‘kon turiga qarab.

Bepul boshlash

Narxlar →Telegram’da yozing

Ta’minotchiga buyurtma — ro‘yxatni dastur tuzadi

Qancha olish kerakligini o‘zi taklif qiladi

Buyurtma ekrani — ilovaning o‘zidan

Bu bo‘lim nima QILMAYDI

Ko‘p beriladigan savollar

Bog‘liq sahifalar

Ombor hisobi

Postavshiklar

Inventarizatsiya

Xo‘jalik mollari

Tovar o‘tkazish

Bugun sinab ko‘ring, ertaga farqni ko‘rasiz.