To‘rtta tayyor jadval: tovarlar ro‘yxati va qoldig‘i, kirim daftari, qarz daftari va inventarizatsiya varag‘i. Formulalar ichida — qoldiq, summa, qarz va farq o‘zi hisoblanadi. Excel, Google Sheets yoki LibreOffice’da ochasiz, ro‘yxatdan o‘tish shart emas.
Bo‘ladi, ayniqsa tovar kam bo‘lsa va sotuvni o‘zingiz yozsangiz. Shablonlar aynan shu uchun: ustunlar tayyor, formulalar qoldiq va summani o‘zi chiqaradi.
Bitta narsani yodda tuting: Excel sotuvni bilmaydi — har sotilgan tovarni qo‘lda yozasiz. Qoldiq kassadagi sotuv bilan o‘zi kamayishi kerak bo‘lsa, bu endi dastur ishi — Excel’dan dasturga qanday o‘tiladi.
Har birida namuna qatorlar va «Qo‘llanma» varag‘i bor. CSV — faqat asosiy varaq, formulasiz, ustunlari nuqtali vergul (;) bilan ajratilgan: Google Sheets yoki boshqa dasturga yuklash uchun.
Har tovar — bitta qator: narxi, ustamasi va qoldig‘i. Oy boshidagi qoldiqqa kirimni qo‘shib, sotilganini ayiradi; kam qolganini belgilaydi.
Ustunlar: Tovar nomi, Shtrix-kod, Birlik, Kirim narxi, Sotuv narxi, Ustama, Oy boshidagi qoldiq, Kirim, Sotildi, Qoldiq, Qoldiq qiymati, Kam qolsa, Holat.
Qanday to‘ldiriladi ↓Qachon, kimdan, qancha va necha puldan keldi. Ikkinchi varaqda har ta’minotchidan olingan tovar va qolgan qarzingiz.
Ustunlar: Sana, Ta’minotchi, Nakladnoy №, Tovar, Birlik, Miqdor, Kirim narxi, Summa, Sotuv narxi, Ustama.
Qanday to‘ldiriladi ↓Har qarz — bitta qator, to‘lovi o‘sha qatorda. Holat o‘zi chiqadi: ochiq, muddati o‘tgan yoki yopilgan. Ikkinchi varaqda kim qancha qarz.
Ustunlar: Sana, Mijoz, Telefon, Nima oldi, Qarz summasi, To‘lash muddati, To‘langan, Qoldiq, Holat.
Qanday to‘ldiriladi ↓Hisobdagi son yonida javondagi son: farq va uning puldagi qiymati o‘zi chiqadi. Chop etib, qalam bilan sanasa ham bo‘ladi.
Ustunlar: Tovar nomi, Shtrix-kod, Birlik, Hisobda, Sanaldi, Farq, Kirim narxi, Farq summasi, Izoh.
Qanday to‘ldiriladi ↓Oyiga bir varaq. Oy boshidagi qoldiqqa kelganini qo‘shib, sotilganini ayirsangiz — hozirgi qoldiq chiqadi.
Nomi, shtrix-kodi, birligi, kirim va sotuv narxini yozasiz. Ustama foizi o‘zi chiqadi.
Oy boshidagi qoldiq, kelgani («Kirim») va sotilgani («Sotildi»). Qoldiq va uning kirim narxidagi qiymati o‘zi hisoblanadi.
«Kam qolsa» ustuniga chegara yozing: qoldiq shunga tushganda «Buyurtma qiling» chiqadi. Filtr bilan faqat shularni qoldirasiz.
BuySale’da qoldiq har sotuvda o‘zi kamayadi, kam qolgan tovarlar alohida ro‘yxat bo‘lib chiqadi va ta’minotchiga buyurtma ro‘yxatiga aylanadi. Omborni istalgan payt .xlsx qilib yuklab olasiz — ombor hisobi. Kodsiz tovarga kod kerak bo‘lsa — shtrix-kod generatori.
Har kelgan tovar — bitta qator. Ikkinchi varaq har ta’minotchidan olingan tovar va qolgan qarzingizni yig‘adi.
Sana, ta’minotchi, nakladnoy raqami, tovar, miqdor va kirim narxi. Summa o‘zi chiqadi, sotuv narxini yozsangiz — ustama ham.
Nom har safar aynan bir xil yozilsin: «Ta’minotchilar» varag‘i summani shu nom bo‘yicha yig‘adi.
«Ta’minotchilar» varag‘ida «To‘langan»ga bergan pulingizni yozasiz — «Qarzim» o‘zi hisoblanadi.
BuySale’da kirim tovar kartochkasiga yoziladi: zavod kodini skanerlasangiz, tovar markaziy katalogda bo‘lsa nomi va bo‘limi o‘zi to‘ladi. AI yordamchi nakladnoy suratidan tahrirlanadigan kirim ro‘yxatini tayyorlaydi — tasdiqlamaguningizcha omborga tushmaydi. Ta’minotchiga qarz muddati bilan alohida yuritiladi — postavshiklarga qarz.
Har qarz — alohida qator, to‘lovi o‘sha qatorda. Ikkinchi varaqda har mijozning jami qarzi va muddati o‘tgan qarzlari soni.
Sana, mijoz, telefon, nima olgani, summa va to‘lash muddati.
Mijoz pul olib kelsa, o‘sha qatordagi «To‘langan»ga qo‘shasiz (masalan =50000+30000). Qoldiq va holat o‘zi o‘zgaradi.
«Mijozlar» varag‘iga ismni bir marta yozing — jami qarzi, to‘langani va qoldig‘i o‘zi chiqadi.
BuySale’da qarz kassaning o‘zida yoziladi: savatni yig‘ib «Qarzga» desangiz, qarz mijozning daftariga o‘zi tushadi. Qisman to‘lov, muddat, kredit limiti va muddati o‘tganlar ro‘yxati bor. Eslatma SMS o‘zi ketmaydi — dastur kimga qo‘ng‘iroq qilish kerakligini ko‘rsatadi. Batafsil — nasiya daftari.
Hisobdagi son yonida javondagi son. Varaq chop etishga tayyor: sarlavha har sahifada takrorlanadi.
Tovarlar ro‘yxatidagi (yoki daftardagi) qoldiqni «Hisobda» ustuniga yozasiz.
Sanalgan sonni «Sanaldi»ga yozing — kompyuterda yoki chop etilgan varaqda qalam bilan.
Farq va uning summasi o‘zi chiqadi, yuqorida kamomad va ortiqcha jami turadi. Farqni darrov o‘g‘irlik deb o‘qimang — avval qayta sanang.
BuySale’da sanoq skaner bilan ketadi: birkani ketma-ket skanerlaysiz, tekshirilgani serverda saqlanadi, oxirida farq chiqqan tovarlar ro‘yxati chiqadi va qoldiq to‘g‘rilanadi — inventarizatsiya qo‘llanmasi.
Shablon — yaxshi boshlanish. Lekin quyidagi holatlarda jadval ishni yengillashtirish o‘rniga qo‘shimcha ish bo‘lib qoladi.
Shunday holatda do‘kon dasturi vaqtni tejaydi. Ro‘yxatni ko‘chirish yo‘llari — Excel o‘rniga dastur sahifasida. Ustamani tekshirmoqchi bo‘lsangiz — ustama kalkulyatori.
Yo‘q. BuySale’da Excel yoki CSV fayldan import yo‘q — buni oldindan aytamiz. Tovar ro‘yxati katalogdan, yorliq suratidan va skaner bilan to‘ladi; teskarisi esa bor: omborni bir bosishda .xlsx qilib olasiz.
.xlsx faylni Google Drive’ga yuklab, Google Sheets’da ochasiz. Formulalar oddiy — IF, SUMIF, COUNTIF — va Google Sheets’da ham bor. CSV faylda esa formula yo‘q, faqat ustunlar va namuna qatorlar.
Internetdan olingan har qanday faylni Excel «himoyalangan ko‘rinish»da ochadi. Shablonlarda makros yo‘q, faqat oddiy formulalar — «Tahrirlashni yoqish»ni bosib ishlayverasiz.
Ustun nomini bemalol o‘zgartiring. Kulrang formulali ustunlarni o‘chirmang. Formulalar asosiy varaqda 1 000 ta, ikkinchi varaqda (ta’minotchilar, mijozlar) 300 ta qatorga oldindan qo‘yilgan; ko‘proq kerak bo‘lsa, oxirgi qatorni pastga cho‘zib nusxalang — formulalar ham ko‘chadi, jami va boshqa varaqdagi yig‘indilar esa yangi qatorlarni ham hisobga oladi.
Android va Windows ilovasi internetsiz 7 kungacha ishlaydi: sotuv, qarz va to‘lovlar navbatga yoziladi va aloqa qaytgach o‘zi yuboriladi. Brauzer versiyasi (app.buysale.uz, Telegram) esa internet talab qiladi — bu jihatdan Excel qulayroq. Aloqa uzilganda nima qilish kerakligi — «Internet uzilsa» sahifasida.
Ha. Ro‘yxatdan o‘tish, telefon yoki pochta so‘ralmaydi — fayl to‘g‘ridan-to‘g‘ri yuklanadi. Uni o‘zingizga moslab o‘zgartiraverasiz.
Bepul do‘kon dasturi bor, lekin har birining chegarasi bor: nimasi bepul, nimani yashiradi va qachon to‘lagan arzonroq. BuySale 7 kun bepul, keyin pullik.
Batafsil →Eski do‘kon dasturidan BuySale’ga o‘tish: nima ko‘chadi, nima ko‘chmaydi, fayldan import nega yo‘q va eski dasturga to‘lovni qachon to‘xtatish mumkin.
Batafsil →Nasiya daftarini qanday yuritish kerak: kassada qarzga sotish, telefon raqami, qisman to‘lov, mijoz tarixi va to‘lov odati, qarzni yig‘ish yo‘llari.
Batafsil →Foyda hisoblash dasturi: bugungi, 7 va 30 kunlik tushum, sof foyda, xarajat va kim qancha sotgani. Telegram ulansa, kun yakuni har kecha keladi.
Batafsil →
7 kun bepul, to‘lov kartasi so‘ralmaydi. Keyin kuniga 6 630 so‘mdan — do‘kon turiga qarab. Qoldiq sotuv bilan o‘zi kamayadi, qarz kassadan daftarga o‘zi tushadi, kechki hisobot Telegram’ga keladi.
Bepul boshlashBuySale yordamchisi
Sayt ma’lumotlari asosida javob beradi
AI xato qilishi mumkin — muhim savolni Telegram orqali aniqlang.
Javob yozilmoqda