Kunlik hisobot bitta ekranda: tushum, chek soni, yalpi foyda, xarajat va sof foyda. Davrni tugmalar bilan almashtirasiz — bugun, oxirgi 7 kun, oxirgi 30 kun yoki o‘zingiz tanlagan sana oralig‘i («Oraliq»). Kechqurun esa kun yakuni Telegram’ga o‘zi keladi, ilovani ochish ham shart emas.
Hisobot, xarajatlar va bosh ekran telefonda aynan shunday ko‘rinadi.
Yangi dizayn
Avvalgi dizayn
Yangi dizayn
Avvalgi dizayn
Yangi dizayn
Avvalgi dizaynSuratlar namoyish do‘konidan olingan: ulardagi tovar nomlari, mijozlar va summalar o‘ylab topilgan. Haqiqiy do‘kon ekranida mijozlarning ismi va qarzi turadi, shuning uchun ularni saytga qo‘ymaymiz. Ekranning ko‘rinishi esa aynan shunday.
Sukut bo‘yicha soat 22:00 da kechki hisobot Telegram’ga yuboriladi. Soatni 18:00 dan 23:00 gacha o‘zingiz tanlaysiz yoki hisobotni butunlay o‘chirib qo‘yasiz. O‘sha sozlamada xabar qanday ko‘rinishini oldindan ko‘rasiz va “hozir yubor” tugmasi bilan sinab ko‘rasiz. Xabar faqat Telegram orqali ketadi — buning uchun do‘kon egasi botni bir marta ochgan bo‘lishi kerak, SMS yuborilmaydi.
Buni ochiq aytamiz: “hafta” va “oy” — surilib boradigan davrlar, kalendar hafta yoki kalendar oy emas. Kalendar oy yoki boshqa aniq sanalar kerak bo‘lsa — to‘rtinchi tugma, «Oraliq».
Tushum, chek soni, yalpi foyda, xarajat va sof foyda. Kun Toshkent vaqti bilan o‘lchanadi va tunda 00:00 da yangilanadi — kechki savdo kechagi kunga tushib qolmaydi.
Bugundan orqaga sanaladigan 7 kun. Dushanbadan boshlanadigan kalendar hafta emas — tugma bosilgan kunga qarab davr suriladi.
Bugundan orqaga 30 kun. “1-30 sentabr” degani emas: 15-sentabrda bossangiz, avgustning yarmi ham shu hisobga kiradi.
«Oraliq» tugmasida boshlanish va tugash sanasini o‘zingiz tanlaysiz — masalan, kalendar oy yoki “1-mart – 15-mart”. Tugash kunining o‘zi ham hisobga kiradi, kim qancha sotgani ham shu sanalar bo‘yicha chiqadi.
Muhim bir gap: har sotuvda o‘sha paytda yechilgan partiyaning kirim narxi sotuvga yozib qo‘yiladi — keyin kirim narxini o‘zgartirsangiz, o‘tgan kunlar foydasi o‘zgarmaydi. Faqat kirim narxi umuman yozilmagan tovar sotilgan bo‘lsa, narxni keyin yozganingizda o‘sha sotuv ham to‘g‘rilanadi. Shuning uchun kirim paytida tannarxni to‘g‘ri yozib borish foyda raqamining aniqligini belgilaydi. Ijara, svet va oylikni qanday yozish — xarajatlar sahifasida. Bitta tovarning ustama va marjasini oldindan hisoblab ko‘rish — ustama kalkulyatorida.
Har bir sotilgan tovarning sotuv narxidan kirim narxi ayriladi va hammasi qo‘shiladi.
Qaytarib olingan tovar tushumdan ham, foydadan ham avtomat ayriladi — qo‘lda tuzatish kerak emas.
Ijara, svet, ish haqi va boshqa yozilgan xarajatlar ayrilgach, qo‘lingizda sof foyda qoladi.
Sotuvlar ro‘yxatini va xarajatlarni CSV fayl qilib yuklab olasiz — faylga ekranda tanlangan davr (yoki oraliq) tushadi, uni buxgalterga yuborsa bo‘ladi. Fayl vergul bilan ajratilgan: uni Google Sheets’da yoki Excel’ning «Ma’lumotlar → Matn/CSV dan» oynasida ajratuvchini «vergul» qilib oching. Bu soliq hisoboti emas — fiskal hisob onlayn-NKMda qoladi.
Har bir sotuvchi bo‘yicha tushum, chek soni, o‘rtacha chek va foyda ko‘rinadi, qaytargan tovari natijasidan ayriladi. Do‘kon egasi o‘zi sotgan savdolar alohida qator bo‘lib turadi. Reja, bonus va smenadagi kamomad — xodimlar KPIda.
Xarajatni sana va izoh bilan yozasiz, 8 ta tayyor kategoriya bor yoki o‘zingiznikini yozasiz. Qaysi xarajat og‘irligi foiz bilan ko‘rinadi. Har oy qaytadigan ijara yoki ish haqi yozilmagan bo‘lsa, eslatma chiqadi va bir bosishda qo‘shiladi.
Naqd, karta va qarzga ketgan summa alohida ustunda; aralash to‘lovda (yarmi naqd, yarmi karta) har bir qism o‘z joyiga tushadi. Tanlangan davrda eng ko‘p sotilgan 10 ta tovar va ular qancha pul keltirgani ro‘yxat bo‘lib chiqadi.
Smena majburiy emas — ochmasangiz ham savdo, qarz va xarajat yozilaveradi, faqat ular smenaga bog‘lanmaydi. Bir do‘konda bir vaqtning o‘zida faqat bitta smena ochiq turadi, ikki kassali do‘kon uchun alohida kassa hisobi yo‘q. Smena yopilgani Telegram’ga yuborilmaydi — natijani ilovadagi ro‘yxatdan ko‘rasiz. Yana bir halol gap: xarajatda “naqd yoki karta” degan maydon yo‘q, shuning uchun kartadan to‘langan xarajat smena yopishda farq bo‘lib chiqadi. Farq chiqqanda nimadan boshlash — sotuvchi nazorati sahifasida.
Hisobot faqat Telegram orqali ketadi, SMS yuborilmaydi. Shuning uchun do‘kon egasi botni bir marta ochib qo‘ygan bo‘lishi kerak. Keyin sozlamadan hisobot yoqilganini va soatini (18:00 dan 23:00 gacha, sukut bo‘yicha 22:00) tekshiring — o‘sha yerda “hozir yubor” tugmasi bilan darhol sinab ko‘rasiz. Bir kunda faqat bitta xabar yuboriladi.
Yo‘q, bu oxirgi 30 kun — kalendar oy emas. Xuddi shunday, “hafta” ham oxirgi 7 kun. Masalan 15-sentabrda “oy” tugmasini bossangiz, avgustning yarmi ham shu hisobga kiradi. Aynan kalendar oy yoki boshqa aniq sanalar (aytaylik 1-mart – 15-mart) kerak bo‘lsa, «Oraliq» tugmasini bosib, boshlanish va tugash kunini tanlang.
Foyda sotuv narxidan kirim narxini ayirib chiqariladi, qaytarilgan tovar avtomat chiqariladi, xarajatlar esa sof foydadan ayriladi. Kirim narxi har sotuvda o‘sha paytda yechilgan partiyadan olinib, sotuvga yozib qo‘yiladi — tannarxni keyin o‘zgartirsangiz, o‘tgan kunlar foydasi o‘zgarmaydi. Bitta istisno: kirim narxi umuman yozilmagan tovar sotilgan bo‘lsa (va 2026-yil 19-sentabrgacha bo‘lgan eski sotuvlarda), hisob tovarning hozirgi kirim narxini oladi — narxni keyin yozsangiz yoki o‘zgartirsangiz, o‘sha sotuvlar ham qayta hisoblanadi.
Hisobotni faqat “hisobot” ruxsati berilgan xodim ko‘radi. “Kirim narxini ko‘rish” ruxsati berilmagan bo‘lsa, tannarx va foyda unga umuman yuborilmaydi — ekranda ham, yuklab olingan faylda ham chiqmaydi. Bitta ogohlantirish: hisobot ruxsati berilgan xodim xarajatlar summasi va kategoriyalarini hisobot ekranida ko‘raveradi. Ruxsatlar to‘liq ro‘yxati — xodim huquqlari qo‘llanmasida, kamomad sabablari esa sotuvchi o‘g‘irligi haqidagi maqolada.
Har bir savdo, qarz va xarajat kim tomonidan yozilgani saqlanadi, xodimlar bo‘limida esa oxirgi 30 ta kirish ro‘yxati turadi. Ishdan bo‘shagan xodimni o‘chirsangiz ham uning savdolari joyida qoladi. Ammo “kim narxni o‘zgartirdi, kim tovarni o‘chirdi” degan umumiy tarix ekrani hozircha yo‘q; xarajatni kim yozgani xarajatlar ro‘yxatida, qarzni kim yozgani esa mijoz kartochkasida ko‘rsatilmaydi.
Android va Windows ilovalarida hisobot internetsiz ham ochiladi, lekin oxirgi yuklangan holatda ko‘rinadi; aloqa qaytgach yangilanadi. Brauzerdagi veb-versiyaga internet kerak. Ma’lumot serverda saqlanadi, shuning uchun telefoningiz yo‘qolsa ham hisobotingiz joyida qoladi.
Ijara, svet, ish haqi va boshqa to‘lovlarni yozasiz — ular foydadan ayriladi va haqiqiy sof foydani ko‘rasiz. Sakkizta tayyor turkum, oylik to‘lov eslatmasi.
Batafsil →Do‘konda sotuvchini nazorat qilish: smena ochish-yopish, kassadagi farq, kim qancha sotgani va tannarxni yashiradigan ruxsatlar. Nima qilmasligi ham yozilgan.
Batafsil →Do‘konda o‘g‘irlik belgisi raqamda qanday ko‘rinadi, birinchi haftada nima qilish kerak va qaysi chora dastursiz ishlaydi — ayblovsiz, amaliy yo‘riqnoma.
Batafsil →Ustama va marja kalkulyatori: kirim narxi va foizdan sotuv narxini, ikki narxdan ustama va marjani hisoblang. Xarajatlar sof foydaga qanday ta’sir qiladi.
Batafsil →Do‘kon hisobi Telegram orqali: bot kirish kodi, kechki foyda hisoboti va xodim kirgani haqida xabar yuboradi, mijoz o‘z qarzini ko‘radi. Internet-do‘kon emas.
Batafsil →
7 kun bepul, to‘lov kartasi so‘ralmaydi. Keyin kuniga 6 630 so‘mdan — do‘kon turiga qarab.
Bepul boshlashBuySale yordamchisi
Sayt ma’lumotlari asosida javob beradi
AI xato qilishi mumkin — muhim savolni Telegram orqali aniqlang.
Javob yozilmoqda