Bugun sinab ko‘ring, ertaga farqni ko‘rasiz.
7 kun bepul, to‘lov kartasi so‘ralmaydi. Keyin kuniga 6 630 so‘mdan — do‘kon turiga qarab.
Bepul boshlashRo‘yxatdan o‘tishdan birinchi savdogacha — besh qadam. Telefon raqamingiz va Telegram’ga keladigan kod yetadi: ariza ham, hujjat ham, to‘lov kartasi ham so‘ralmaydi.
BuySale’ni ishga tushirish uchun kompyuter ham, usta chaqirish ham kerak emas — hammasi telefondan qilinadi. Ilovaning o‘zida «O‘qitish» bo‘limi ham bor: har bo‘limni namuna ma’lumot bilan ko‘rsatadi va hech narsani saqlamaydi.
Har bir qadam pastda batafsil yozilgan — birma-bir bajarib chiqing.
app.buysale.uz sahifasini oching, telefon raqamingizni yozing va Telegram’ga kelgan 6 xonali kodni kiriting.
Do‘kon nomi, ismingiz, do‘kon turi va til; karta raqami ixtiyoriy — do‘kon shu zahoti ochiladi.
Sinov muddatida hamma bo‘lim ochiq, kunlik to‘lov yechilmaydi.
Tayyor katalogdan tanlaysiz, yorliqni suratga olasiz yoki kirim ekranida qo‘lda yozasiz.
Sotuvchiga 4 xonali PIN berasiz, ilovani telefon ekraniga chiqarib qo‘yasiz.
Ro‘yxatdan o‘tishdan oldin ham ilovani ochib ko‘rsangiz bo‘ladi. Pastdagi ikonkalarni bosing: asosiy ekran, mijozlar, qarz yozish, kassa va profil — hammasi shu yerda.
app.buysale.uz manzilini ochasiz, telefon raqamingizni yozasiz va kod so‘rash tugmasini bosasiz. Bir martalik 6 xonali kod SMS bilan emas, Telegram bot orqali keladi — kod uchun pul ketmaydi.
Raqamingiz hali botga ulanmagan bo‘lsa kod kelmaydi: ilova avval botni ochish tugmasini ko‘rsatadi. Botni Telegram’da bir marta ochib, ishga tushirib qo‘ysangiz, keyingi kodlar o‘sha yerga tushaveradi. Kod 5 daqiqa amal qiladi; ketma-ket noto‘g‘ri terilsa, raqam bir muddatga bloklanadi.
Do‘kon egasi ilovani bot ichidan ochsa, kod ham, parol ham so‘ralmaydi — ilova o‘zi kirib beradi. Bir marta kirganingizdan keyin 30 kun qayta kod so‘ralmaydi.
Yangi raqam kod bilan tasdiqlangan zahoti do‘kon ochiladi — ariza, kutish va hujjat yo‘q. Keyingi ekranda do‘kon nomi, egasining ismi, do‘kon turi, karta raqami va til to‘ldiriladi. Bu yerdagi karta — do‘koningizniki; BuySale ilovada to‘lov kartangizni so‘ramaydi va hech narsani o‘zi yechib olmaydi — balansni to‘ldirganingizda karta ma’lumotlari faqat Rahmat to‘lov sahifasida kiritiladi. Ilova o‘zbekcha (lotin), o‘zbekcha (kirill) va ruscha ishlaydi, tilni keyin Profil bo‘limidan almashtirasiz.
Do‘kon turini o‘ylab tanlang: u narxni ham, ilovada qaysi ekranlar ochilishini ham belgilaydi. To‘qqizta tur bor — oziq-ovqat, parfumeriya, xo‘jalik mollari, telefon, zargarlik, kiyim, qurilish mollari, dorixona va boshqa; har birining maydonlari va narxi — do‘kon turlari sahifasida.
Ro‘yxatdan o‘tgan do‘kon 7 kun bepul ishlaydi: hamma bo‘lim ochiq, kunlik to‘lov yechilmaydi va ogohlantirish chiqmaydi. To‘lov kartasi so‘ralmaydi, o‘zi davom etadigan obuna ham yo‘q. Har tur narxi — narxlar sahifasida.
Sinovdan keyin hisob kunlik yuritiladi: tarif tanlash yo‘q, balansingizga pul tashlaysiz va har kuni undan bir kunlik haq yechiladi. To‘ldirish uchun «Profil» → «Balans» bo‘limida summani kiritasiz va Rahmat to‘lov sahifasida Uzcard yoki Humo kartasi bilan to‘laysiz. To‘ldirish summasi 1 000 so‘mdan 50 000 000 so‘mgacha; summaga 1% to‘lov komissiyasi qo‘shiladi va u to‘lashdan oldin ko‘rsatiladi (balansga 100 000 so‘m uchun 101 000 so‘m). To‘lov tasdiqlanishi bilan pul balansga o‘zi tushadi.
Balans tugashiga bir necha kun qolganda Telegram’ga ogohlantirish keladi, ilovada yuqorida tasma chiqadi. Bir kunlikdan kam pul qolsa ham navbatdagi kun ochiladi va balans minusga tushadi. Balans nolda yoki minusda bo‘lsa yangi savdo va kirim yozilmaydi, bu kunlar uchun pul olinmaydi, ma’lumotingiz esa joyida qoladi: eski yozuvlar va to‘ldirish ochiq turadi. Pul tushganda avval qarz yopiladi, keyin xizmat qayta ishlaydi.
Hammasini bir kunda kiritish shart emas — eng ko‘p sotiladiganidan boshlang.
Markaziy katalogda 1 700 dan ortiq tasdiqlangan tovar zavod shtrix-kodi bilan turadi (2026-yil 3-oktabr holatiga): bo‘lim yoki nom bo‘yicha tanlaysiz yoki qutidagi kodni skanerlaysiz — nomi va bo‘limi o‘zi to‘ladi, siz narx va miqdorni yozasiz. Bo‘lim kirim ruxsati borlarga ochiladi, zargarlikda ko‘rinmaydi.
Kirim ekranida nom yonidagi kamera tugmasi yorliqni suratga oladi va nomni yozadi; yorliqda ko‘ringan bo‘lsa shtrix-kod va sotuv narxi, tur bo‘yicha srok yoki razmer, zargarlikda proba/massa/tosh, telefonda IMEI ham tushadi. Faqat bo‘sh kataklar to‘ldiriladi — zargarlikdagi proba bundan mustasno. O‘qishni internet orqali sun’iy intellekt bajaradi, saqlashdan oldin ko‘zdan kechiring.
Nomi, miqdori, kirim va sotuv narxini yozasiz — qoldiq o‘sha zahoti oshadi. Narxni «jami shuncha to‘ladim» deb ham yozsangiz bo‘ladi: bir birlik narxi o‘zi chiqadi, ustamangiz esa ekranda ko‘rinib turadi.
Sotuvchi sizning kodingiz yoki telefoningiz bilan kirmaydi. Profil > Xodimlar bo‘limida har biriga 4 xonali PIN yaratasiz, xodim kirish ekranida do‘konning raqamini va o‘z PIN-kodini teradi. Telegram orqali kirish faqat egada ishlaydi.
Kim nima qila olishini o‘zingiz belgilaysiz: har bir ish uchun alohida ruxsat va to‘rtta tayyor to‘plam bor — «Faqat kassa», «Sotuvchi», «Katta sotuvchi» va «Menejer». Balans, xodimlar ro‘yxati va do‘kon kartasi xodimga hech qachon ochilmaydi; tannarx esa alohida ruxsatsiz ekranda ham, Excelda ham ko‘rinmaydi. Qaysi ruxsat nimani ochishi — xodim huquqlari qo‘llanmasida.
Xodim kirgani Telegram orqali darhol bildiriladi va «kim, qachon kirdi» ro‘yxati saqlanadi. PIN tanlab ko‘rilayotgani ham aytiladi, noto‘g‘ri urinishlardan keyin raqam bir muddatga bloklanadi. Xodimni bloklasangiz yoki ruxsatini olsangiz, u keyingi bosishdayoq to‘xtaydi.
Kod faqat Telegram bot orqali keladi, SMS yuborilmaydi. Raqamingiz botga ulanmagan bo‘lsa, kirish ekranidagi tugma bilan botni oching va bir marta ishga tushiring, so‘ng kodni qaytadan so‘rang. Kod 5 daqiqa amal qiladi; ketma-ket noto‘g‘ri terilsa raqam bir muddatga bloklanadi — biroz kutib qaytadan urinib ko‘ring.
Yo‘q. Kirish kodi faqat Telegram bot orqali yuboriladi, shuning uchun Telegram hisobi bo‘lishi shart. Buning foydasi ham bor: kunlik hisobot, balans ogohlantirishi va xodim kirgani haqidagi xabar ham o‘sha yerga keladi.
Shart emas. Eng ko‘p sotiladiganidan boshlang — katalogdan tanlab, yorliqni suratga olib yoki qo‘lda yozib; qolganini har kirim qilganingizda qo‘shib borasiz. Sotish uchun esa tovar bazada bo‘lishi kerak.
iPhone’da brauzer orqali ishlaydi: Safari’da ochib «Ekranga qo‘shish»ni tanlasangiz, alohida ikonka paydo bo‘ladi va ilovadek ochiladi. App Store’da ilova hozircha yo‘q. Android uchun kirish ekranidagi tugmadan yuklab o‘rnatiladigan ilova bor — Play Market’da emas.
Yo‘q. Xodim do‘konning telefon raqamini va siz bergan 4 xonali PIN-kodni teradi, sizning kodingiz kerak emas. U kirgani haqida Telegram’ga darhol xabar keladi; balans, xodimlar ro‘yxati va do‘kon kartasi unga ochilmaydi, tannarxni esa faqat siz ruxsat bersangiz ko‘radi.
Tayyorladi: BuySale jamoasi · Xato topsangiz, Telegram’da bizga yozing
BuySale’ni yuklab olish: Android uchun APK, Windows uchun dastur, iPhone’da bosh ekranga qo‘shish. Internetsiz ham ishlaydi, o‘zi yangilanadi. Play Market shart emas, o‘rnatish bepul.
Batafsil →BuySale narxi do‘kon turiga qarab: 6 630 so‘m/kundan boshlanadi, 30 kunga 198 900 so‘m. 7 kun bepul, sozlash haqi yo‘q.
Batafsil →Sotuvchiga PIN bering, har bir ruxsatni alohida belgilang: kirim narxi va hisobotlar yopiq qoladi. Kim nima sotgani, smena va kassa farqi ko‘rinib turadi.
Batafsil →Do‘kon egasi uchun qo‘llanmalar: boshlash, shtrix-kod, nasiya, inventarizatsiya, printer, xodim huquqlari — va kassa, jihoz, dastur tanlash haqida maqolalar.
Batafsil →
7 kun bepul, to‘lov kartasi so‘ralmaydi. Keyin kuniga 6 630 so‘mdan — do‘kon turiga qarab.
Bepul boshlashBuySale yordamchisi
Sayt ma’lumotlari asosida javob beradi
AI xato qilishi mumkin — muhim savolni Telegram orqali aniqlang.
Javob yozilmoqda