Filiallar: bir nechta do‘konni bitta dasturda

Qisqa javob

Filial Profil → «Filiallar» → «Filial qo‘shish» orqali ochiladi. Yangi telefon raqami, yangi ro‘yxatdan o‘tish va alohida Telegram kerak emas.
Har filial alohida do‘kon kabi ishlaydi: o‘z tovarlari va qoldig‘i, kassasi, mijozlari va nasiyasi, xodimlari va hisobotlari bor.
Balans bitta: hamma filial asosiy do‘kon balansidan to‘lanadi va balans faqat asosiy do‘kon kabinetidan to‘ldiriladi. Har bir ochiq filial uchun kuniga 6 630 so‘m qo‘shiladi.
Ega do‘konlar orasida bir bosishda o‘tadi. Xodim esa asosiy do‘kon raqami va o‘z PIN-kodi bilan kiradi — ilova uni o‘z filialiga o‘zi olib kiradi.
Tovarni bir filialdan boshqasiga o‘tkazma bilan yuborasiz: qabul qiluvchi filial kelganini sanab tasdiqlaydi.
Kechki Telegram hisobotida asosiy do‘kon, har filial va jami bitta xabarda keladi.

BuySale ilovasidagi Filiallar ekrani: asosiy do‘kon va filiallar ro‘yxati — **Filiallar**Asosiy do‘kon va filiallar ro‘yxati: har birining manzili, xodimlari soni va kunlik narxi. Pastida — «Filial qo‘shish».

Filiallar orasida o‘tish oynasi: do‘konlar ro‘yxati — **Do‘konni almashtirish**«Qaysi do‘konda ishlaysiz?» — ega bir bosishda boshqa filialga o‘tadi, qayta kirish shart emas.

Suratlar namoyish do‘konidan olingan: ulardagi tovar nomlari, xodimlar va summalar o‘ylab topilgan. Ekranning ko‘rinishi esa aynan shunday.

Filial qanday ochiladi

Filialni faqat do‘kon egasi o‘z kabinetidan ochadi. Bir necha daqiqalik ish.

Profil → «Filiallar»

Ro‘yxatda asosiy do‘kon va filiallar turadi: har birining manzili, xodimlari soni va kunlik narxi. Shu bo‘lim menyuda ham bor.

«Filial qo‘shish»

Nomini (masalan, «Chilonzor filiali») va xohlasangiz manzilini yozasiz. Ilova shu yerda filial uchun kunlik to‘lovni oldindan ko‘rsatadi.

«Filialni ochish»

Filial asosiy do‘kon sozlamalari bilan ochiladi: do‘kon turi, til, chek va yorliq printeri o‘lchamlari. Ombori bo‘sh — tovarni asosiy do‘kondan o‘tkazasiz yoki kirim qilasiz.

«Shu do‘konga o‘tish»

Filialga o‘tib, xodimlarini qo‘shasiz va ishni boshlaysiz. Filialda turganingizda ekran tepasida «Filial: …» yozuvi turadi — qaysi do‘kondaligingiz adashmaydi.

Balans to‘ldirilmaguncha (xizmat to‘xtab turganda) yangi filial ochib bo‘lmaydi.
Ochiq filiallar soniga chegara bor; unga yetsangiz, ilova aytadi — yangisini ochish uchun keraksizini yopasiz.
Filial nomi guruh ichida takrorlanmaydi: asosiy do‘kon bilan bir xil nom ham qo‘yilmaydi.

Pul: bitta balans, har filialning o‘z kunlik narxi

Har bir ochiq filial uchun kuniga 6 630 so‘m qo‘shiladi (30 kunga 198 900 so‘m). Pul asosiy do‘kon balansidan yechiladi va filial ochilgan kunning ertasidan boshlab hisoblanadi; bepul sinov va sovg‘a qilingan kunlarda yechilmaydi. Yopilgan filial uchun ertasidan pul olinmaydi. Yopilgan filialni qayta ochsangiz, o‘sha kunning filial to‘lovi darhol yechilishi mumkin — ilova buni qayta ochishdan oldin aytadi.

Balans faqat asosiy do‘kon kabinetidan to‘ldiriladi. Filialdagi Balans ekrani umumiy balansni ko‘rsatadi va unda «Asosiy do‘konga o‘tish» tugmasi bor.
Kunlik yechim bitta yozuv bo‘lib tushadi va unda nechta filial uchun ekani yoziladi — masalan, «1 kun · asosiy + 2 filial».
Balans tugasa, asosiy do‘kon bilan birga hamma filial to‘xtaydi; to‘ldirilgach hammasi birga ochiladi. To‘xtab turgan kunlar uchun pul olinmaydi.
Xodim, kassa va tovar soni uchun qo‘shimcha to‘lov yo‘q — filialda ham shunday.

Kim nimani ko‘radi va qanday kiradi

Do‘kon egasi

Hamma filialni ko‘radi va ular orasida bir bosishda o‘tadi: Profil sarlavhasida, kompyuterda chap menyuda yoki tepadagi «Filial: …» qatoridagi «Almashtirish» bilan. Qayta kod so‘ralmaydi. Ochiq savat bo‘lsa, o‘tishdan oldin ilova so‘raydi — savatlar tozalanadi.

Xodim

Faqat o‘z filialida ishlaydi va boshqa filialga o‘ta olmaydi. «Xodim sifatida kirish»da asosiy do‘kon raqami va o‘z PIN-kodini kiritadi. PIN-kodlar hamma filial bo‘yicha takrorlanmaydi; bir odam ikki filialda ishlasa, unga har birida alohida xodim va alohida PIN ochiladi.

Xabarlar asosiy do‘kon egasiga keladi: kechki hisobot (asosiy, har filial va jami), xodim kirgani — filial nomi bilan, balans kam qolgani — umumiy kunlik narx bo‘yicha. Botdagi ovozli qarz yozish va AI savoli asosiy do‘kon bilan ishlaydi.

Kechki hisobot: hamma filial bitta xabarda

Har kechki Telegram hisobotida avval asosiy do‘kon, keyin har filial alohida va oxirida «Jami: asosiy + N filial» keladi. Hisobot asosiy do‘konning sozlamasi bo‘yicha — yoqilgan bo‘lsa va belgilangan soatda — yuboriladi.

Har filial bo‘yicha: savdo va cheklar soni, naqd, karta va qarzga bo‘linishi, foyda (xarajat bo‘lsa — sof foyda) va ogohlantirishlar.
Jamida: umumiy savdo, foyda, xarajat, qarzga yozilgani va qarzdorlardan tushgani.
Bugun yopilgan filial ham o‘sha kungi hisobotga kiradi.
Ilovadagi «Hisobotlar» bo‘limi esa har filialda o‘sha filialniki: bir filialning hafta yoki oylik hisobotini ko‘rish uchun o‘sha filialga o‘tasiz. Barcha filiallarni bitta ekranda jamlaydigan hisobot ilovada yo‘q.

Bildirishnomalar: har o‘zgarish bitta ro‘yxatda

Ilovaning tepasida (kompyuterda chap menyuda ham) qo‘ng‘iroqcha bor: o‘qilmaganlar soni shu yerda chiqadi, bossangiz kunlar bo‘yicha ro‘yxat ochiladi — summalar «+» va «−» bilan, qaysi filialdaligi va vaqti bilan. Filiali yo‘q do‘konda ham ishlaydi.

Balansdan yechilgan va qo‘shilgan pullar: kunlik to‘lov («asosiy + N filial»), AI so‘rovlari, balansni to‘ldirish, qaytarilgan to‘lov, sovg‘a qilingan bepul kunlar va taklif bonusi.
Tovar o‘tkazmalari: jo‘natildi, qabul kutilmoqda, qabul qilindi (kam kelgan bo‘lsa — necha xil tovar), rad etildi va bekor qilindi. Bossangiz, o‘sha o‘tkazma ochiladi.
Xodim kirdi — kim va qaysi filialda.
Kamomad yoki ortiqcha bilan yopilgan smena.
Xodim faqat o‘z filialiga tegishli o‘tkazmalarni ko‘radi (ombor, kirim yoki jo‘natish ruxsati bo‘lsa). Balans va kim kirgani — faqat egada.
Bu ilova ichidagi ro‘yxat: SMS yoki push-xabar yuborilmaydi. Telegram’ga keladigan xabarlar (kechki hisobot, xodim kirgani, balans ogohlantirishi) avvalgidek keladi.

Ilovadagi bildirishnomalar ro‘yxati — **Bildirishnomalar**Balansdan yechilgan va qo‘shilgan pullar, o‘tkazmalar, kim kirgani va farqli smenalar — kunlar bo‘yicha.

Suratlar namoyish do‘konidan olingan: ulardagi tovar nomlari, xodimlar va summalar o‘ylab topilgan. Ekranning ko‘rinishi esa aynan shunday.

Filialni yopish va qayta ochish

Filialni ega yopadi; asosiy do‘konni va hozir ichida turgan filialni yopib bo‘lmaydi.
Yopilgan filialga hech kim kira olmaydi va uning xodimlari ishlay olmaydi. Ma’lumotlari o‘chmaydi: qayta ochsangiz, hammasi joyida.
Yopilgan filial uchun ertasidan pul olinmaydi. Qayta ochish — bitta tugma; o‘sha kunning to‘lovi yechilishi mumkin va ilova buni oldindan aytadi.
Tasdiqlanmagan o‘tkazmasi bor filialni yopib bo‘lmaydi — avval o‘tkazma qabul qilinadi, rad etiladi yoki bekor qilinadi.
Yopilgan filialning hisobotini ko‘rish uchun uni qayta ochish kerak.

Bu bo‘lim nima QILMAYDI

Rostini oldindan aytamiz — keyin “shunaqa deb o‘ylagandim” degan gap chiqmasin.

Barcha filiallarni bitta ekranda (hafta, oy bo‘yicha) jamlaydigan hisobot ilovada yo‘q — umumiy yakun faqat kechki Telegram hisobotida, kun bo‘yicha.
Har filialga alohida balans yo‘q: hamma filial asosiy do‘kon balansidan to‘lanadi.
Avval alohida ro‘yxatdan o‘tgan do‘konni filial qilib qo‘shib bo‘lmaydi — filial faqat ilova ichida yangidan ochiladi.
Xodimni bir filialdan boshqasiga ko‘chirib bo‘lmaydi; xodim boshqa filialga o‘ta olmaydi.
Tovar kartochkalari filiallar o‘rtasida umumiy emas: har filialda o‘z kartochkasi va o‘z narxi.
Telegram botdagi ovozli qarz yozish va AI savoli faqat asosiy do‘kon uchun.
Yopilgan filialni ochmasdan uning ma’lumotini ko‘rib bo‘lmaydi.

Filiallar haqida savollar

Ikkinchi do‘kon uchun yana ro‘yxatdan o‘tishim kerakmi?

Yo‘q. Filial asosiy do‘kon kabinetidan ochiladi: alohida telefon raqami ham, alohida Telegram ham kerak emas. Lekin avval alohida ro‘yxatdan o‘tgan do‘konni filial qilib qo‘shib bo‘lmaydi — u o‘z hisobida qoladi.

Filial qancha turadi?

Xodim filialga qanday kiradi?

Ilovada «Xodim sifatida kirish»ni bosadi, asosiy do‘kon raqamini va o‘z PIN-kodini kiritadi — ilova uni o‘z filialiga o‘zi olib kiradi. Shuning uchun PIN-kod hamma filial bo‘yicha takrorlanmaydi. Ilgaridan ikki xodimda bir xil PIN bo‘lib qolgan bo‘lsa, ega ulardan birini almashtiradi.

Hamma filialning umumiy foydasini qayerda ko‘raman?

Kechki Telegram hisobotida: unda asosiy do‘kon, har filial va jami (savdo, foyda, xarajat, qarz) o‘sha kun uchun keladi. Ilovadagi Hisobotlar esa har filialda alohida — barcha filiallarni hafta yoki oy bo‘yicha jamlaydigan hisobot ilovada yo‘q.

Filiallarda narx har xil bo‘lishi mumkinmi?

Ha. Har filialda o‘z tovar kartochkasi va o‘z sotuv narxi bor. O‘tkazma bilan kelgan tovar yangi kartochka bo‘lsa, jo‘natuvchi do‘konning sotuv narxi bilan ochiladi; mavjud kartochkaga qo‘shilsa, uning narxi o‘zgarmaydi.

Filial boshqa turdagi do‘kon bo‘la oladimi?

Ha. Filial asosiy do‘kon turi bilan ochiladi, kerak bo‘lsa uni filialning o‘zida Profil → «Do‘kon» bo‘limida o‘zgartirasiz — masalan, oziq-ovqat do‘konining dorixona filiali. Srok, razmer yoki IMEI kabi maydonlar filialning o‘z turiga qarab ochiladi.

Balans tugasa nima bo‘ladi?

Hamma birga to‘xtaydi: asosiy do‘kon ham, filiallar ham. To‘xtab turgan kunlar uchun pul olinmaydi va ma’lumot o‘chmaydi. Asosiy do‘kon kabinetidan balans to‘ldirilgach, hammasi birga ishga tushadi. Minus balans qoidasi filiallarga ham taalluqli.

Filiallar: bir nechta do‘kon — bitta hisob, bitta balans

Qisqa javob

Filial qanday ochiladi

Profil → «Filiallar»

«Filial qo‘shish»

«Filialni ochish»

«Shu do‘konga o‘tish»

Pul: bitta balans, har filialning o‘z kunlik narxi

Kim nimani ko‘radi va qanday kiradi

Do‘kon egasi

Xodim

Telegram

Kechki hisobot: hamma filial bitta xabarda

Bildirishnomalar: har o‘zgarish bitta ro‘yxatda

Filialni yopish va qayta ochish

Bu bo‘lim nima QILMAYDI

Filiallar haqida savollar

Bog‘liq sahifalar

Xodimlar KPI

Hisobot

Telegram orqali hisob

Ombor hisobi

Ikkinchi do‘konni bugun oching