Tovarni qaytarib olish — chek qidirmasdan, skanerlab

Pul qanday qaytadi va hisob o‘zi to‘g‘rilanadi

Uch variant bor: naqd, kartaga yoki mijozning qarzidan ayirish. Uchinchisi faqat o‘sha sotuvda qarz qatnashgan bo‘lsa chiqadi va aralash to‘lovda ham to‘g‘ri ishlaydi. Qaytariladigan summa kassadagi sotuv paytidagi narxdan hisoblanadi — narx keyin o‘zgargan bo‘lsa ham.

Skanerlaysiz — dastur qaytarish mumkin bo‘lgan oxirgi 10 ta sotuvni topadi
Tovar shu zahoti qoldiqqa qaytadi va ombor jurnalida iz qoldiradi
Tushumdan qaytarilgan summa, foydadan esa faqat o‘sha tovarning ustamasi ayriladi
Sotilganidan ko‘p qaytarib bo‘lmaydi — har chek satrida qancha qaytgani eslab qolinadi
Xodim hisobotida kim qancha qaytargani ko‘rinadi — qaytarishni yashirib bo‘lmaydi
Tarozi yorlig‘i skanerlansa og‘irlik kod ichidan o‘qiladi

Qaytarish ekrani — ilovaning o‘zidan

Qaytarish oqimi, kassa va hisobotdagi natija telefonda shunday ko‘rinadi.

Qaytarish ekrani: skanerlash tugmasi va qaytariladigan tovar kartochkasi — **Qaytarish**Tovar skanerlanadi — dastur qaysi sotuvdan ekanini o‘zi topadi.

Kassa ekrani: savat, qidiruv maydoni va skaner tugmasi — **Kassa**Sotuv, tovar kirimi va cheklar tarixi. Tepasida kassada bo‘lishi kerak bo‘lgan pul.

Hisobot ekrani: savdo, yalpi foyda, xarajat va sof foyda raqamlari — **Hisobotlar**Savdo, yalpi foyda, xarajat va sof foyda. Pastida to‘lov turlari va kim qancha sotgani.

Suratlar namoyish do‘konidan olingan: ulardagi tovar nomlari, mijozlar va summalar o‘ylab topilgan. Haqiqiy do‘kon ekranida mijozlarning ismi va qarzi turadi, shuning uchun ularni saytga qo‘ymaymiz. Ekranning ko‘rinishi esa aynan shunday.

Bu bo‘lim nima QILMAYDI

Qaytarish uchun muddat cheklovi yo‘q — “14 kun ichida” degan qoida kodda umuman yozilmagan. Bir yil oldingi sotuvdan ham qaytarsa bo‘ladi
Dastur kassirga “qarzdan shuncha, naqd shuncha” deb ajratib aytmaydi — ekranda faqat umumiy summa chiqadi
Qarz qaytarish summasini qisman yutgan holatda kassadan chiqqan naqd pul smena hisobiga tushmaydi — bunday holda farqni izohda yozib qo‘yasiz
Qaytarishni bekor qilish yoki o‘chirish yo‘q — noto‘g‘ri yozilganini ilovadan olib tashlab bo‘lmaydi
Alohida “qaytarish cheki” chop etilmaydi; eski sotuv chekida “Qaytarilgan −X” satri chiqadi
Mijozga qaytarish haqida SMS yoki Telegram xabar yuborilmaydi
Brak tovar alohida omborga ajratilmaydi — qaytgan tovar oddiy sotiladigan qoldiqqa qaytadi. Sabab faqat matn bo‘lib yozilib qoladi
Ayirboshlash (obmen) alohida amal sifatida yo‘q: avval qaytariladi, keyin yangisi alohida sotiladi
Qisman pul qaytarish (masalan 50%), ushlab qolish foizi yoki jarima yo‘q — doim to‘liq sotuv narxi qaytariladi
Ruxsati yo‘q xodimda pastdagi “+” menyusida tugma baribir ko‘rinadi — himoya serverda: bosilganda so‘rov rad etiladi

Ko‘p beriladigan savollar

Mijoz chekini yo‘qotgan bo‘lsa qaytarib ololadimi?

Ha. Oqim aynan shunga qurilgan: tovarni skanerlaysiz va dastur uni qaysi sotuvdan olinganini o‘zi topadi — chek raqami ham, qog‘ozi ham kerak emas. Bir nechta mos sotuv chiqsa, ro‘yxatdan boshqasini tanlashingiz mumkin: har birida sana, mijoz va o‘sha paytdagi narx yozilgan.

Qarzga olingan tovar qaytsa nima bo‘ladi?

Qaytarish summasi mijozning to‘lanmagan qarzidan ayiriladi — qarz qancha “yuta olsa” shuncha. Qarz to‘liq to‘langan bo‘lsa, yozuv o‘zi “naqd”ga o‘tkaziladi va pul naqd qaytariladi; aks holda mijoz tovarni qaytarib, hech narsa olmay qolardi. Qarz daftarini qo‘lda tuzatib o‘tirmaysiz.

Sotuvchi o‘zi qaytarish qilib, pulni olib qo‘ymaydimi?

“Tovarni qaytarib olish” — alohida ruxsat: bermasangiz, server uning so‘rovini rad etadi (tayyor to‘plamlardan “Faqat kassa”da bu ruxsat yo‘q). Ruxsat bergan bo‘lsangiz ham har bir qaytarish kim qilgani, sanasi va sababi bilan yozib qoladi, xodim hisobotida esa uning qaytargan summasi alohida qizil raqam bo‘lib chiqadi — hatto o‘sha davrda umuman sotmagan xodim ham ro‘yxatga qo‘shiladi. Batafsil — xodim huquqlari va sotuvchi nazorati.

Bugun sinab ko‘ring, ertaga farqni ko‘rasiz.

7 kun bepul, to‘lov kartasi so‘ralmaydi. Keyin kuniga 6 630 so‘mdan — do‘kon turiga qarab.

Bepul boshlash

Narxlar →Telegram’da yozing

Tovarni qaytarib olish — chekni qidirmaysiz

Pul qanday qaytadi va hisob o‘zi to‘g‘rilanadi

Qaytarish ekrani — ilovaning o‘zidan

Bu bo‘lim nima QILMAYDI

Ko‘p beriladigan savollar

Bog‘liq sahifalar

Kassa

Sotuvchi nazorati

Xodim huquqlari

Telefon do‘koni

Bugun sinab ko‘ring, ertaga farqni ko‘rasiz.