Бугун синаб кўринг, эртага фарқни кўрасиз.
7 кун бепул, тўлов картаси сўралмайди. Кейин кунига 6 630 сўмдан — дўкон турига қараб.
Бепул бошлашНон, сут, тарозидаги товар ва узилмайдиган навбат — маҳалла дўкони ҳам, минимаркет ҳам шундай ишлайди. BuySale’да товарлар кетма-кет сканерланади, тарози босган ёрлиқдаги оғирлик саватга ўзи тушади, сроги яқинлашган товар эса ўзи рўйхатга чиқади — ҳаммаси телефонингизда.
Тарози босган ёрлиқни сканерлайсиз, оғирлик код ичидан ўқилади. Киримда эса срок катаги чиқади.
Сотувда сканер очиқ қолади: товарларни кетма-кет тутасиз, базада бор ва қолдиғи етадиган товар саватга ўзи тушади. Экран пастида сават номи, нечта хил товар борлиги ва умумий сумма кўриниб туради. Код базада топилмаса сканер ёпилади ва кодни товарга бириктириш таклиф қилинади — кейинги сафар дарҳол топилади.
Бу бўлим айнан озиқ-овқат туридаги дўкон учун очилади. Оғирликда сотиладиган ҳар бир товарга иловада тарози рақами (PLU) берилади ва ўша рақам тарозингизга киритилади — созлаш бир марта бўлади, кейин сотувчи ҳеч нарса ёзмайди. Код тузилиши, 22 ва 21 форматининг фарқи ва тарозини созлаш — тарози ёрлиғи қўлланмасида.
Омбордаги товар карточкасида “Тарози рақами” бўлими туради: 5 хонали рақам берилади ва илова синаб кўриш учун намуна код кўрсатади.
Тарози ёрлиқни дўкон ичи форматида босадиган қилиб созланган бўлиши керак: оғирлик учун 22, нарх учун 21 билан бошланадиган 13 хонали код.
Ёрлиқ ўқилиши билан товар ҳам, оғирлиги ҳам саватга тушади. Рақам ҳеч қайси товарга бириктирилмаган бўлса, илова буни айтади ва нотўғри товар қўшиб юбормайди.
Озиқ-овқатда пул икки жойда йўқолади: эътибордан четда қолган срокда ва жавонда тугаб қолган товарда. Иккаласи ҳам омбор ҳисобида алоҳида рўйхат бўлиб ўзи чиқади.
Бир товар икки марта келса, ҳар келгани ўз санаси ва ўз сроги билан алоҳида партия бўлиб ёзилади. Сотувда сроги энг эрта тугайдигани биринчи ечилади, карточкада эса қайси партия қанча қолгани кўринади ва срокни тузатасиз.
Срогига бир ҳафта ва ундан кам қолган товарлар бош саҳифада ҳамда омборда алоҳида рўйхат бўлади. Шу рўйхатнинг ҳаммасига бир босишда чегирма қўясиз; чегирмали нарх кассада ҳам, чекда ҳам, фойда ҳисобида ҳам бир хил чиқади.
Ҳар товарга “кам қолди” чегараси қўйилади — озиқ-овқатда стандарт 5 дона, хоҳласангиз ўзингизникини ёзасиз. Қолдиқ шундан пастга тушса, товар бош саҳифада ва омборда сариқ бўлиб кўринади.
Маҳалла дўконида насиясиз бўлмайди. Кассада тўлов тури “Қарзга” танланса аввал телефон рақами сўралади: базада бор мижоз бўлса исми ва очиқ қарзи дарҳол кўринади, янги бўлса исм майдони чиқади. Қарз насия дафтарига ўзи тушади.
Мижоз пулнинг бир қисмини берса, “ҳозир қанча берди” деган жойга шу суммани ёзасиз — қолгани ўзи ҳисобланиб қарзга тушади.
Пул олиб келганда қарзи устига суммани ёзасиз: бўлиб-бўлиб тўласа ҳам қолдиқ камайиб боради, қолган қарздан кўп сумма қабул қилинмайди. Кун давомидаги қарз тўловлари смена кассасига ҳам қўшилади.
Ҳар мижоз ёнида рангли нуқта туради — у ҳақиқий тарихдан ҳисобланади: нечта қарзини ўз вақтида ёпгани, ўртача неча кун кечиккани. Эҳтиёт бўлиш керак бўлса, қарз ёзаётганда экранда огоҳлантириш чиқади.
Мижозга “шундан ортиқ қарз берилмасин” деган чегара қўясиз ёки бутунлай блоклайсиз — лимитдан ошса янги қарз ёзилмайди.
Кун якуни ҳар куни белгиланган соатда Telegram’га ўзи келади — иловани очиш шарт эмас: савдо, нақд/карта/қарз, фойда, харажат, қарзга ёзилгани ва тугаётган товарлар. Стандарт соат 22:00, уни 18:00 дан 23:00 гача ўзгартирасиз ёки бутунлай ўчирасиз; бунинг учун дўкон эгаси Telegram ботни очиб қўйган бўлиши керак.
Нархни дўкон тури белгилайди ва у шу турдаги ҳамма дўкон учун бир хил. Бу турда AI ёрдамчига берилган савол учун алоҳида пул ечилмайди. Ҳамма турларнинг нархи ва нарх ичига нима кириши — нархлар саҳифасида, бошқа дастурлар қанча сўраши эса дўкон дастурлари нархи тадқиқотида.
Ҳисоб кунлик, ойлик шартнома йўқ; ходим, касса ва товар сони учун устига тўлов қўшилмайди; созлаш 0 сўм; 7 кун бепул. Фискал касса эмас.
Юқоридаги рақам шу дўкон тури учун амалдаги нарх. Бошқа дастурларнинг эълон қилинган нархлари «Дўкон дастурлари нархи» саҳифасида манба ҳаволаси ва текширилган санаси билан йиғилган.
Алоҳида “минимаркет” тури йўқ: озиқ-овқат дўкони ҳам, минимаркет ҳам иловада “Озиқ-овқат” тури бўлиб рўйхатдан ўтади. Шу саҳифадаги ҳамма нарса — тарози ёрлиғи, партия ва срок — айнан шу турда очилади. Нархи — 6 630 сўм/кун, 30 кунга 198 900 сўм.
Тарози ёрлиқни дўкон ичи форматида босса ишлайди: 13 хонали код, оғирлик учун 22, нарх учун 21 билан бошланади, тарози рақами эса 5 хона бўлади. Ўша рақамни ҳар бир товарга иловада берасиз ва тарозининг ўзига киритасиз. Тарозингиз бундай ёрлиқ босмаса, оғирликни саватда қўлда ёзасиз.
Телефон камераси етади. Android’да браузернинг ўз ўқиш двигатели ишлайди — энг тез йўл; iPhone’да бундай двигатель йўқ, код дастур кутубхонаси орқали ўқилади ва секинроқ бўлиши мумкин. Компьютерда код охирида Enter юборадиган USB сканер ҳам ишлайди — сканерлашдан олдин нарх ёки миқдор майдонидан чиқиб туринг, акс ҳолда коднинг биринчи икки белгиси ўша майдонга тушиб қолади.
Йўқ. BuySale чиқарадиган чек — оддий ҳисоб варақаси: дўкон номи, сана, сотувчи, товарлар, жами ва тўлов тури. Унда фискал белги ҳам, солиқ QR коди ҳам йўқ, яъни у касса аппаратининг ўрнини босмайди. Чек браузернинг чоп этиш ойнаси орқали чиқади, эни эса дўкон бўйича бир марта танланади — 58 ёки 80 мм.
Йўқ. Сканер маркировкадаги Data Matrix кодини ўқимайди ва BuySale Асл белгиси тизимига уланмаган — дастур давлат тизимларига ҳеч нарса юбормайди. Бундай товарни BuySale’да қадоқдаги оддий штрих-код (EAN ёки UPC) билан юритасиз, у бўлмаса дўконнинг ўз кодини ясаб, ёрлиқ чоп этасиз. Қайси товарингиз мажбурий маркировкага тушишини ва уни сотишда нима талаб қилинишини солиқ органидан (soliq.uz) ёки бухгалтерингиздан аниқланг.
Android ёки Windows иловасида — ҳа: сотув, қарз ва тўловлар 7 кунгача навбатга ёзилади ва алоқа қайтгач серверга ўзи юборилади. Браузердаги веб-версияда эса алоқа бўлмаса сотув ёзилмайди, шунинг учун кассада иловани ўрнатган маъқул.
Ҳозирча алоҳида “ҳисобдан чиқариш” тугмаси йўқ. Бундай товар инвентаризация орқали чиқарилади: жавондагини сканерлаб санайсиз ва қолдиқ ҳақиқий ҳолатга тўғриланади. Шунинг учун сроги яқинлари рўйхати муҳим — чегирма қўйиб сотиб юборган, ташлаб юборгандан кўра фойдалироқ.
Кирим нархини кўриш алоҳида рухсат: рухсати йўқ ходимга таннарх ҳам, фойда ҳам умуман юборилмайди — экранда ҳам, Excel файлида ҳам йўқ. Қарзга сотиш, қайтариш ва ҳисобот ҳам алоҳида рухсат. Сотувчи дўкон рақами ва ўзининг 4 хонали PIN-коди билан киради. У кирганда сизга Telegram’га хабар келади — бунинг учун Telegram бот очиб қўйилган бўлиши керак, хабарни созламадан ўчириб ҳам қўйсангиз бўлади.
Ҳа, иккинчи дўкон филиал бўлиб очилади: алоҳида рўйхатдан ўтмайсиз, иккаласи битта ҳисобда ва битта балансда туради, улар орасида бир босишда ўтасиз. Қолдиқ, сотув ва фойда ҳар филиалда алоҳида юритилади ва аралашмайди; товарни бир дўкондан иккинчисига ўтказма билан юборасиз. Иккала дўконнинг бугунги савдоси ва фойдаси кечки Telegram ҳисоботида жами билан келади, иловадаги ҳисоботлар эса ҳар филиалда алоҳида. Қандай очилади ва қанча туради — филиаллар саҳифасида.
Тарози ёрлиғидаги штрих-код қандай ўқилади: 21 ва 22 билан бошланадиган код, PLU рақами, оғирлик ва нарх. Қайси дўкон турида ишлайди ва нима керак.
Батафсил →Кам қолган товардан дастур ўзи рўйхат тузади ва охирги 30 кунлик савдога қараб қанча олишни таклиф қилади. Рўйхатни нусхалайсиз ёки A4 қилиб чоп этасиз.
Батафсил →Насия ва қарз дафтари иловаси: кассада қарзга сотасиз, мижозни телефон рақамидан топасиз, қисман тўлов ёзасиз. Қарздорлар, муддат ва тўлов одати бир жойда.
Батафсил →BuySale нархи дўкон турига қараб: 6 630 сўм/кундан бошланади, 30 кунга 198 900 сўм. 7 кун бепул, созлаш ҳақи йўқ.
Батафсил →9 дўкон тури: озиқ-овқат, дорихона, кийим, қурилиш, заргарлик, парфюмерия, телефон, хўжалик моллари ва бошқа — ҳар бирининг майдонлари ва нархи.
Батафсил →
7 кун бепул, тўлов картаси сўралмайди. Кейин кунига 6 630 сўмдан — дўкон турига қараб.
Бепул бошлашBuySale ёрдамчиси
Сайт маълумотлари асосида жавоб беради
AI хато қилиши мумкин — муҳим саволни Telegram орқали аниқланг.
Жавоб ёзилмоқда