Do‘kon xarajatlari va sof foyda: ijara, svet, oylik

Sakkizta tayyor turkum va o‘zingiznikisi

Ijara, svet-suv-gaz, ish haqi, transport, soliq va yig‘imlar, reklama, ta’mirlash, boshqa — har biri o‘z ikonkasi bilan. Ro‘yxatda yo‘q narsa uchun “O‘zim yozaman” chipini bosib nom terasiz va u keyin ham o‘z nomi bilan turaveradi.

Bitta oynada: summa, turkum, izoh, sana va “har oy takrorlanadi” belgisi
Turkum bo‘yicha ulush foizi va chizig‘i — qaysi xarajat og‘irligi darrov ko‘rinadi
Har oygi to‘lov bu oyda yozilmagan bo‘lsa, tepada eslatib turadi va bir bosishda yoziladi
Smena ochiq bo‘lsa xarajat kassadagi kutilayotgan puldan ayriladi
Kunlar bo‘yicha guruhlanadi, har kunning jami summasi yonida turadi
Kechki Telegram hisobotida yalpi foyda, xarajat va sof foyda alohida qator bo‘ladi

Xarajatlar ekrani — ilovaning o‘zidan

Turkumlar bo‘yicha taqsimot, hisobotdagi sof foyda va bosh ekrandagi bugungi holat.

Xarajatlar ekrani: kategoriya bo‘yicha summalar va foizlar — **Xarajatlar**Turkumlar bo‘yicha ulush va foizi, tagida kunlar bo‘yicha ro‘yxat.

Hisobot ekrani: savdo, yalpi foyda, xarajat va sof foyda raqamlari — **Hisobotlar**Savdo, yalpi foyda, xarajat va sof foyda. Pastida to‘lov turlari va kim qancha sotgani.

BuySale ilovasining asosiy ekrani: bugungi savdo, sof foyda va hafta ustunlari — **Asosiy ekran**Bugungi savdo, sof foyda, hafta ustunlari va kunlik maqsad. Pastida qarzdorlar, qarzim va sof balans.

Suratlar namoyish do‘konidan olingan: ulardagi tovar nomlari, mijozlar va summalar o‘ylab topilgan. Haqiqiy do‘kon ekranida mijozlarning ismi va qarzi turadi, shuning uchun ularni saytga qo‘ymaymiz. Ekranning ko‘rinishi esa aynan shunday.

Sof foyda qanday hisoblanadi

Hisobot ekranida uchta qator ustma-ust turadi: yalpi foyda (tovar ustamasi), xarajat va sof foyda. Sof foyda manfiy chiqsa qizil bo‘lib ko‘rinadi. Kartani yoki turkum qatorini bosish to‘g‘ridan-to‘g‘ri Xarajatlar bo‘limini ochadi — “foyda kam chiqibdi” deb o‘ylagan payt darrov nimaga ketganini ko‘rasiz.

Xarajatni yozasiz

Summani terasiz (o‘zi 120 000 shaklida ajraladi), turkumni tanlaysiz, kerak bo‘lsa izoh va sana qo‘yasiz.

Foydadan ayriladi

Hisobotda sof foyda shu zahoti qayta hisoblanadi; bugun xarajat bo‘lsa bosh ekranda ham “Sof foyda” ko‘rsatiladi.

Oy oxirida ko‘rasiz

Turkum bo‘yicha taqsimot: ijaraga qancha, transportga qancha. Faylga yuklab olib saqlab ham qo‘yasiz.

Bu bo‘lim nima QILMAYDI

Rostini oldindan aytamiz — keyin “shunaqa deb o‘ylagandim” degan gap chiqmasin.

Xarajat naqdmi yoki kartadanmi — tanlanmaydi. Smena hisobida hammasi kassadan chiqqan deb olinadi
Chek yoki kvitansiya suratini biriktirib bo‘lmaydi — rasm maydoni yo‘q
Byudjet, limit va “xarajat oshib ketdi” ogohlantirishi yo‘q
Har oygi xarajat o‘zi yozilmaydi — faqat taklif chiqadi, tugmani siz bosasiz
Ijara yoki oylik vaqti kelgani haqida Telegramga alohida eslatma kelmaydi
Xarajatni kim yozgani bazada saqlanadi, lekin ekranda ko‘rsatilmaydi
Fayl CSV bo‘lib yuklanadi (ajratuvchi — vergul: Google Sheets yoki Excel’ning «Matn/CSV dan» importi ochadi), xlsx va PDF yo‘q. Fayl davr bo‘yicha ketadi — ekrandagi turkum filtri unga tegmaydi
“Falon sanadan falon sanagacha” oralig‘ini qo‘lda tanlash yo‘q — faqat Bugun, Hafta, Oy va Hammasi
Diagramma va oylarni taqqoslash grafigi yo‘q — faqat turkum chiziqlari va foizi
O‘chirilgan xarajat qaytarilmaydi: o‘chirish tasdiq so‘ramasdan darhol bajariladi
Ta’minotchiga to‘lov va tovar kirimi bu yerga o‘zi tushmaydi — bu yerga faqat qo‘lda yozilgani kiradi

Ko‘p beriladigan savollar

Sotuvchi do‘konning xarajatlarini ko‘rmasligi kerak — buni sozlash mumkinmi?

Ha, “Xarajatlar” alohida ruxsat va tayyor to‘plamlardan “Kassir”, “Sotuvchi” va “Katta sotuvchi”da u yo‘q: bo‘lim menyuda ko‘rinmaydi, so‘rov esa server tomonda rad etiladi. Bitta chekkasi bor: xodimda AI yordamchisi ruxsati bo‘lsa, u yordamchidan so‘rab turkum bo‘yicha summalarni olishi mumkin — AI vositalari bu ruxsat bo‘yicha hali filtrlanmagan. Xarajat butunlay yopiq bo‘lishi kerak bo‘lsa, AI ruxsatini ham bermang.

Ijara har oy bir xil — har safar qo‘lda yozishim kerakmi?

Yozuvga “har oy takrorlanadi” belgisini qo‘ysangiz, keyingi oyda shu turkum bo‘yicha hali yozuv bo‘lmasa, ekran tepasida eslatma chiqadi va “Bu oyga yozish” tugmasi o‘tgan safargi summa bilan bugungi sanaga bir bosishda yozadi. Ya’ni o‘zi yozilmaydi, lekin esdan chiqmaydi.

Xarajat kassadagi pulga ta’sir qiladimi?

Ha, smena ochiq bo‘lsa. Xarajat o‘sha smenaga biriktiriladi va kassada bo‘lishi kerak bo‘lgan puldan ayriladi (ochilish puli + naqd savdo + qarz to‘lovi − naqd qaytarish − xarajat). Diqqat: to‘lov usuli saqlanmagani uchun kartadan to‘langan xarajat ham kassadan chiqdi deb hisoblanadi — bunday holda farq ko‘rinadi va uni smena yopishda izohga yozib qo‘yasiz.

Sotuvchiga bonus to‘lasam, qayerga yozaman?

«Ish haqi» turkumiga xarajat qilib yozasiz — shunda sof foyda to‘g‘ri chiqadi. Bonus summasini xodimlar KPI o‘zi hisoblaydi, lekin uni xarajatga o‘zi yozmaydi.

Xarajatlar: “foyda” va qo‘lda qolgan pul bir xil emas

Sakkizta tayyor turkum va o‘zingiznikisi

Xarajatlar ekrani — ilovaning o‘zidan

Sof foyda qanday hisoblanadi

Xarajatni yozasiz

Foydadan ayriladi

Oy oxirida ko‘rasiz

Bu bo‘lim nima QILMAYDI

Ko‘p beriladigan savollar

Bog‘liq sahifalar

Hisobot

Sotuvchi nazorati

Narxlar

Ustama kalkulyatori

Bugun sinab ko‘ring, ertaga farqni ko‘rasiz.