Qarzga sotish do‘konda baribir bo‘ladi — gap uni eslab qolishda. BuySale’da qarz kassaning o‘zida yoziladi: telefon raqamini terasiz, mijoz tanilsa ismi va hozirgi qarzi chiqadi, qolgani daftarga o‘zi tushadi.
Har bir mijozning ismi, raqami va hozirgi qarzi bir qatorda. Pastdagi ikonkalarni bosib, ilovaning boshqa bo‘limlariga ham o‘tasiz.
Mijozlar ro‘yxati, qarz yozish va eslatmalar telefonda shunday ko‘rinadi.
Yangi dizayn
Avvalgi dizayn
Yangi dizayn
Avvalgi dizayn
Yangi dizayn
Avvalgi dizaynSuratlar namoyish do‘konidan olingan: ulardagi tovar nomlari, mijozlar va summalar o‘ylab topilgan. Haqiqiy do‘kon ekranida mijozlarning ismi va qarzi turadi, shuning uchun ularni saytga qo‘ymaymiz. Ekranning ko‘rinishi esa aynan shunday.
Qarz uchun alohida ekranga chiqish shart emas — kassada savatni yig‘ib, to‘lov turini “Qarzga” deb belgilaysiz. Qarzga sotish alohida ruxsat: sotuvchiga bermasangiz, u faqat naqd va karta bilan sotadi.
Savat yig‘ilgach “Qarzga”ni belgilaysiz. Bir sotuvni ikkiga bo‘lish ham mumkin: bir qismi naqd yoki karta, qolgani qarzga.
Raqam to‘liq terilishi bilan baza qidiriladi: mijoz bor bo‘lsa ismi va ochiq qarzi darhol chiqadi, yangi bo‘lsa faqat o‘shanda ism so‘raladi. Raqamsiz qarz yozilmaydi.
“Mijoz hozir qancha berdi” degan joyga qo‘lga tekkan summani yozasiz — qolgani o‘zi hisoblanadi. Mijoz tovarning bir qismini to‘lagan bo‘lsa, qarzga faqat qolgan summa yoziladi.
Sotuv yakunlanishi bilan qarz o‘sha mijozning daftariga yoziladi va umumiy qarziga qo‘shiladi. Aralash to‘lovda faqat qarzga qolgan qism yoziladi.
Kassadan tashqari ham qarz yoziladi — masalan mijoz tovarni kecha olib ketgan bo‘lsa. To‘lash muddati qo‘yiladigan joy ham aynan shu yer.
Kim qancha qarzdorligini eslab yurish shart emas — ro‘yxat mijozlar qarzi bo‘yicha saralanib turadi. O‘zingiz ta’minotchiga qarzdor bo‘lsangiz, u alohida yuritiladi — postavshiklarga qarz daftari.
Umumiy qarzi, telefon raqami va barcha qarzlari bir joyda. Har bir qarzda summa, izoh, muddat, to‘langan qismi va holati ko‘rinadi: faol, muddati o‘tgan yoki to‘langan.
Muddati o‘tib ketgan qarzlar avtomatik belgilanadi va bosh sahifada alohida ro‘yxat bo‘lib chiqadi; “bugun muddati” ro‘yxati ham shu yerda turadi. Tekshiruv soatiga bir marta o‘zi yuradi.
Har bir mijoz yonida rangli nuqta turadi va u haqiqiy qarz tarixidan hisoblanadi: nechta qarzini o‘z vaqtida yopgani, o‘rtacha necha kun kechikkani, hozir necha kundan beri kechikayotgani. Qarz yozayotganda ehtiyot bo‘lish kerak bo‘lgan mijoz haqida ekranda ogohlantirish chiqadi.
Mijozga “shundan ortiq qarz berilmasin” degan chegara qo‘yasiz yoki uni butunlay bloklaysiz — limitdan oshsa yoki bloklangan bo‘lsa yangi qarz yozilmaydi. Bu ham qo‘lda yozilgan qarzda, ham kassada qarzga sotishda ishlaydi.
Bu yerda ochiq gapiramiz. Qarz eslatmasining hisob qismi ishlaydi — kimga, qachon va qanday matn bilan eslatish kerakligini dastur o‘zi ajratadi. Xabarni esa hozircha o‘zingiz yetkazasiz. Qarzni nizosiz yig‘ish tartibi — nasiya daftarini qanday yuritish qo‘llanmasida. Eslatish uchun tayyor matnlar va janjalsiz gaplashish qoidalari — nizosiz undirish yo‘llari sahifasida.
Mijozni Telegram orqali do‘koningizga ulash mumkin — shundan keyin “men buncha olmagandim” degan tortishuv kamayadi.
Mijoz kartochkasidan havolani nusxalaysiz, Telegram orqali ulashasiz yoki mijozning raqamiga SMS qilasiz — bu SMS telefoningizning o‘z xabar ilovasi orqali ketadi. Mijozning Telegram raqamini bilish shart emas.
Mijoz havolani bosadi va ulanish tugaydi. Havoladagi kod imzolangan — raqamini o‘zgartirib boshqa odamning xaridlarini ko‘rib bo‘lmaydi. Kerak bo‘lsa ulanishni uzib qo‘yasiz.
Qarzga sotganingizda chek unga o‘zi boradi: tovarlar, jami summa, shundan qanchasi qarzga yozilgani va umumiy qarzi. Botdagi ikki tugma bilan “Xaridlarim” va “Qarzim”ni istagan payt ochadi. Oddiy naqd yoki karta sotuvda kassa mijozni so‘ramaydi, shuning uchun bunday chek yuborilmaydi.
Yo‘q, buni o‘zingiz hal qilasiz. Kim qarzga sotishi, kim qarzlarni umuman ko‘rishi, kim qarz yozishi va kim to‘lov qabul qilishi alohida-alohida beriladi. Ruxsati yo‘q xodimga qarz raqamlari, qarz daftari va to‘lov odati belgisi umuman ko‘rsatilmaydi — shunchaki yashirilmaydi, serverdan ham berilmaydi. Batafsil — xodim huquqlari qo‘llanmasida.
Yo‘q. Dastur kimga, qachon va qanday matn bilan eslatish kerakligini o‘zi hisoblab, ro‘yxat qilib beradi va jurnalga yozib boradi, lekin SMS xizmati ham, qo‘ng‘iroq xizmati ham hali ulanmagan — mijozning telefoniga hech narsa bormaydi. Qarz eslatmasi Telegram orqali ham yuborilmaydi. Ya’ni ro‘yxat tayyor turadi, qo‘ng‘iroqni o‘zingiz qilasiz.
Hozircha yo‘q — buni oldindan bilib qo‘ygan ma’qul. Yozilgan qarzning summasini, izohini yoki muddatini keyin o‘zgartirib bo‘lmaydi va uni o‘chirish ham yo‘q; faqat to‘lov qo‘shish va yangi qarz yozish bor. Shuning uchun tasdiqlashdan oldin summani bir tekshirib oling. Mijozni o‘chirish esa faqat uning ochiq qarzi qolmaganda ishlaydi.
Yo‘q. Telefon raqamisiz qarzdor ochilmaydi, raqam esa har doim bir xil ko‘rinishga keltirib saqlanadi — “8” bilan boshlangan yoki probel va tire bilan yozilgan raqam ham tushuniladi. Bitta raqamni ikki mijozga yozib bo‘lmaydi: kim egaligi aytiladi. Faqat shuni bilib qo‘ying — mijozlar ro‘yxatidagi qidiruv ism bo‘yicha ishlaydi, raqam bo‘yicha topish esa kassada, qarzga sotayotganda ishlaydi.
Ha. Bir sotuvni ikkiga bo‘lasiz: qo‘lga tekkan summani yozasiz, qolgani o‘zi hisoblanib qarzga tushadi. Ikki qismning yig‘indisi savdo jamiga to‘g‘ri kelishini server tekshiradi, shuning uchun kassa hisobi buzilmaydi. Bitta cheklov bor: savatda chegirma qo‘yilgan tovar bo‘lsa, bunday bo‘lingan sotuv hozircha saqlanmaydi.
Ha. Qarzdorlar ro‘yxati qarz summasi bo‘yicha saralanib turadi, bosh sahifada esa muddati o‘tganlar va bugun muddati kelganlar alohida chiqadi. Do‘koningizda AI yordamchi yoqilgan bo‘lsa, undan “kim qancha qarzdor” yoki “kimning muddati o‘tgan” deb so‘rasangiz ham bo‘ladi — u qarz daftaridan o‘qib javob beradi.
Do‘konda ikkalasi ham bitta daftar: kim qancha qarzga olgani va qachon to‘lashi yoziladi. «Nasiya» so‘zi bo‘lib to‘lash xizmatlari uchun ham ishlatiladi — BuySale’dagi nasiya do‘konning o‘z qarz daftari, bank krediti emas. Faqat qarz yozadigan ilovalardan farqi — qarz daftar ilovalari solishtiruvida.
Qog‘oz daftar bilan qarz ham yo‘qoladi. BuySale’da qarz serverda saqlanadi va telefon almashsa ham o‘sha raqam bilan kirib ko‘rasiz; xodim faqat ruxsat berilgan qismni ko‘radi. Eski daftarni ko‘chirish tartibi — daftardan o‘tish sahifasida.
Nasiya daftarini qanday yuritish kerak: kassada qarzga sotish, telefon raqami, qisman to‘lov, mijoz tarixi va to‘lov odati, qarzni yig‘ish yo‘llari.
Batafsil →Qarzdor pul bermayaptimi? Nizosiz undirish yo‘llari, eslatish uchun tayyor matnlar va qarzni oldindan kamaytiradigan qoidalar. Yuridik maslahat emas.
Batafsil →Qarz daftar ilovalari solishtirildi: qaysi biri faqat qarz yozadi, qaysi biri kassa bilan, kim SMS yuboradi va narxi qancha — manba va sana bilan.
Batafsil →Foyda hisoblash dasturi: bugungi, 7 va 30 kunlik tushum, sof foyda, xarajat va kim qancha sotgani. Telegram ulansa, kun yakuni har kecha keladi.
Batafsil →Sotuvchiga PIN bering, har bir ruxsatni alohida belgilang: kirim narxi va hisobotlar yopiq qoladi. Kim nima sotgani, smena va kassa farqi ko‘rinib turadi.
Batafsil →
7 kun bepul, to‘lov kartasi so‘ralmaydi. Keyin kuniga 6 630 so‘mdan — do‘kon turiga qarab.
Bepul boshlashBuySale yordamchisi
Sayt ma’lumotlari asosida javob beradi
AI xato qilishi mumkin — muhim savolni Telegram orqali aniqlang.
Javob yozilmoqda