Таъминотчига буюртма — кам қолган товар рўйхати

Қанча олиш кераклигини ўзи таклиф қилади

Таклиф икки ўлчовнинг каттасидан олинади: охирги 30 кунлик сотув тезлиги бўйича яна 14 кунга етадиган миқдор, ёки “кам қолди” чегарасининг икки баробари. Шу мақсаддан омбордаги ҳозирги қолдиқ айрилади — яъни таклиф етишмаётган қисм. Рақам таклиф бўлиб қолади: охирги қарор сизда, ҳар сатрда “−” ва “+” тугмалари бор.

Чегарага тушган товарлар ўзи рўйхатга тушади — энг кўп етишмаётгани биринчи
Ҳар сатрда қолдиқ ва “30 кунда: N” — таклифни ўз савдонгизга солиштирасиз
Таъминотчилар бўйича ажратилади: ҳар бирига алоҳида рўйхат тайёр бўлади
Салом, рақамланган рўйхат ва дўкон номи билан тайёр матн — нусха оласиз
A4 варақ: сана, дўкон маълумоти, жадвал ва иккита имзо жойи — “берди” ва “қабул қилди”
Тарих: охирги 30 та буюртма ҳолати билан — қоралама, юборилган, қабул қилинган

Буюртма экрани — илованинг ўзидан

Кам қолган товарлар рўйхати, омбор ва таъминотчилар бўлими телефонда шундай кўринади.

Буюртма экрани: кам қолган товарлар рўйхати ва миқдор тугмалари — **Буюртма**Кам қолган товарлар ва ҳар бирига таклиф қилинган миқдор.

Омбор экрани: товарлар рўйхати, қолдиқ ва нархлар — **Омбор**Нечта хил товар, келган нархда ва сотилса қанча. Кам қолган ва сроги яқин алоҳида.

Поставщиклар рўйхати ва уларга бўлган қарз суммалари — **Поставщиклар**Кимга қанча қарздорсиз — энг каттасидан бошлаб, жами сумма тепада.

Суратлар намойиш дўконидан олинган: улардаги товар номлари, мижозлар ва суммалар ўйлаб топилган. Ҳақиқий дўкон экранида мижозларнинг исми ва қарзи туради, шунинг учун уларни сайтга қўймаймиз. Экраннинг кўриниши эса айнан шундай.

Бу бўлим нима ҚИЛМАЙДИ

Энг муҳими биринчи бўлиб ёзилган — чунки кўпчилик айнан шуни кутади.

Буюртма таъминотчига ЎЗИ юборилмайди: иловада унинг телефон рақамини киритадиган жой йўқ, рақамсиз эса Telegram ҳам, SMS ҳам кетмайди. Матнни нусхалаб ўзингиз юборасиз ёки чоп этасиз
“Товар келди” деб белгилаш омбор қолдиғини ОШИРМАЙДИ — бу фақат белги. Келган товар Кирим орқали алоҳида киритилади
Буюртмада нарх ва сумма сақланмайди — фақат номи, миқдори ва ўлчов бирлиги. Экрандаги тахминий сумма юбориладиган матнга ҳам, вараққа ҳам тушмайди
Рўйхатга қўлда янги сатр ёзиб қўшиб бўлмайди — у фақат омборда бор, чегарага тушган товарлардан тузилади
Сақланган буюртмани таҳрирлаб бўлмайди: фақат ҳолатини ўзгартириш ёки ўчириш мумкин
Таъминотчининг жавоби иловага қайтмайди — ҳолатни дўкончининг ўзи белгилайди
Телефон ва заргарлик дўконида таклиф рўйхати умуман чиқмайди — у ерда ҳар буюм якка ҳисобланади
Етказиб бериш санаси, буюртма рақами, тўлов ҳолати ва қисман келган товарни белгилаш йўқ
Жадвал бўйича ўзи кетадиган автоматик буюртма йўқ — ҳар сафар тугмани сиз босасиз

Кўп бериладиган саволлар

“Кам қолди” чегарасини ўзим қўя оламанми?

Ҳа, ва у ҳар бир товарга алоҳида. Омбор бўлимида товар карточкасини очиб чегарани ёзасиз: тез кетадиган товарга баландроқ, секин кетадиганига пастроқ. Дўкон турига қараб бериладиган стандарт қиймат фақат бошланғич нуқта — озиқ-овқатда 5, парфюмерияда 3, кийимда 2. Қолдиқ ҳисобдагига тўғри келмаса, аввал инвентаризация қилинг — таклиф шундан кейин аниқ бўлади.

Бир нечта таъминотчига бирдан юборса бўладими?

Йўқ, ҳар бири алоҳида танланади. Рўйхат тепасида таъминотчилар тугмалари туради: бирини танлайсиз — матн, сумма ва чоп этиш фақат ўша гуруҳ бўйича кетади. Таъминотчиси белгиланмаган товарлар охирги гуруҳда тўпланади.

Товар келгач омборга ўзи тушадими?

Йўқ. “Товар келди” тугмаси фақат буюртма ҳолатини ўзгартиради — қолдиққа тегмайди. Келган товарни Касса бўлимидаги “Товар кирими” орқали киритасиз: шунда партия очилади, қолдиқ ошади ва омбор журналига ёзув тушади. Буни атайлаб ажратганмиз: буюртма қилинган нарса билан ҳақиқатан келган нарса кўпинча бир хил бўлмайди.

Таъминотчига буюртма — рўйхатни дастур тузади

Қанча олиш кераклигини ўзи таклиф қилади

Буюртма экрани — илованинг ўзидан

Бу бўлим нима ҚИЛМАЙДИ

Кўп бериладиган саволлар

Боғлиқ саҳифалар

Омбор ҳисоби

Поставщиклар

Инвентаризация

Хўжалик моллари

Товар ўтказиш

Бугун синаб кўринг, эртага фарқни кўрасиз.