Бугун синаб кўринг, эртага фарқни кўрасиз.
7 кун бепул, тўлов картаси сўралмайди. Кейин кунига 6 630 сўмдан — дўкон турига қараб.
Бепул бошлашЎзбекистонда ишлатиладиган 21 та тизимни турига қараб беш гуруҳга ажратдик. Ҳар бири нима экани, ким учунлиги, қайси қурилмада ишлаши, фискал чек ҳақида нима ёзгани ва нархи — ўша тизимнинг ўз сайтидан олинган. Бу рейтинг эмас: гуруҳ ичида алифбо тартиби. Саҳифани BuySale тайёрлаган, BuySale ҳам ўз гуруҳида турибди.
Дўкончи “касса дастури керак” деганда одатда икки ишдан бирини назарда тутади: солиқ учун фискал чек чиқариш ёки дўконнинг ўз ҳисобини юритиш — қолдиқ, фойда, насия. Бозордаги тизимлар шу ишларнинг бирини, иккаласини ёки яна бошқа ишларни ҳам қилади. Шунинг учун аввал турини билиб олган маъқул.
Икки тур ёнма-ён ишлаши ҳам мумкин: фискал касса — солиқ учун, дастур — дўконнинг ўз ҳисоби учун. Сизнинг дўконингизга фискал чек қандай тартибда кераклигини солиқ органидан ёки бухгалтерингиздан аниқланг; расмий маълумот soliq.uz сайтида.
Бу гуруҳ фискал чек учун: сотув фискаллаштирилади ва маълумот солиқ тизимига кетади. Баъзиларида товар ҳисоби ҳам бор.
Виртуал касса, фискал чеклар, QR-тўловлар ва интеграциялар
Дўконлар, кафе ва ресторанлар, дорихоналар, етказиб бериш, тармоқлар
Компьютер ва моноблок (E-POS Cashdesk), смартфон (E-POS Mobile), API
Ҳа: “чек фискал модулга кетади ва солиқда тасдиқланади”
Ҳар қандай бизнес учун онлайн касса
Ҳар қандай бизнес тури
Nexgo POS-терминали, Android смартфон, компьютер ёки планшет
Ҳа: онлайн касса; МХИК кодлари ва Асл белгиси маркировкаси ёзилган
Онлайн-НКМ, тўлов терминали ва товар ҳисоби
Кичик ва ўрта бизнес: дўконлар, ресторанлар, дорихоналар
SUNMI P3 (Android) терминали; виртуал касса — Windows компьютер ёки планшетда
Ҳа: чеклар фискаллаштирилади; онлайн-НКМ реестрига киритилгани ёзилган
Ҳисоб тизими, онлайн-касса ва терминал ускунаси битта ечимда
Чакана савдо ва хизмат кўрсатиш; улгуржи учун алоҳида Smart Supply
A-Pay P10 онлайн-касса терминали, виртуал касса, шахсий кабинет
Ҳа: онлайн-касса (A-Pay P10) ва виртуал касса ёзилган
Маълумот ҳар бир тизимнинг ўз сайтидан, 17.09.2026 ҳолатига. Нарх ва шартлар ўзгариши мумкин — уланишдан олдин сайтини ўзингиз очинг.
Сотув, қолдиқ, ходим ва ҳисоботни битта жойда юритадиган, обуна асосидаги тизимлар. Кўпчилиги сайтида фискал чек интеграциясини ҳам ёзган.
Дўконда савдо ва товар ҳисоби дастури; Lite — тўлов ва тушум учун оддий тариф
Кийим, пойабзал, озиқ-овқат, қурилиш, косметика, электроника ва бошқа дўконлар
Браузер (app.billz.io); сотувчи ва кассир учун iOS ва Android илова; Lite — илова ёки браузер
Биз очган саҳифаларда тилга олинмаган
Чакана савдо учун POS/касса, омбор ва мижозлар ҳисоби
Дўконлар, супермаркетлар, дорихоналар, ресторан ва кафелар, хизмат кўрсатиш
Веб-платформа (app.hippo.uz)
Ҳа: 2024-йилдан виртуал касса сифатида Давлат реестрига киритилгани ёзилган
Дўкон автоматлаштириш ва POS тизими
Кичикдан катта ҳажмгача дўконлар
Windows дастури, веб админ панель, моноблок терминаллар
Ҳа: Multikassa билан интеграция (“Солиқ идораси билан боғланган онлайн касса тизими”)
Озиқ-овқат дўкони учун POS-тизим: товар ҳисоби, сотув, таҳлил
Озиқ-овқат, хўжалик ва қурилиш моллари, парфюмерия ва аксессуарлар
Android, Windows, веб
Ҳа: “Солиқ фискализацияси” ва “Солиқ билан интеграция” ёзилган; қайси тарифга киришини ўзидан сўранг
Озиқ-овқат ва бошқа дўконлар учун дастур
Озиқ-овқат дўконлари, бозорлар, киосклар, тез овқатланиш
Кассир дастури компьютерга ўрнатилади ёки Optimo қурилмаси ишлатилади; менежер панели булутда
Тилга олинмаган
Булутли POS-тизим: касса, омбор, молия ва таҳлил
Кафе, ресторан, дўкон ва хизмат кўрсатиш
Windows, Android, iOS, браузер; телефон, планшет ёки банк терминали
Ҳа: онлайн-кассалар билан уланиш; сайт тавсифида фискализация ва Солиқ’га узатиш ёзилган
Ўзбекистон дўконлари учун POS тизими ва касса дастури
Косметика, кийим, озиқ-овқат, дорихона ва бошқа чакана дўконлар
Касса, телефон ва планшетда; кассир иловаси — Android, эгаси иловаси — iOS ва Android
Ҳа: Soliq.uz (ОФД) интеграцияси эълон қилинган; сайтда фискал модуль давлат реестридан ўтказилаётгани ҳам ёзилган
Дўкон учун POS: офлайн касса, AI таҳлил, Telegram бот, содиқлик дастури
Кичик, ўрта ва катта дўконлар
Android планшет, Windows/Mac, веб панель, Android менежер иловаси
Ҳа: ОФД фискал чек ва Асл Белгиси маркировкаси ёзилган
Товар ва савдо ҳисоби, кассирлар назорати, бизнес таҳлили
Озиқ-овқат, дорихона, косметика, кийим-пойабзал, алкоголь, ўйинчоқ ва аксессуар дўконлари
Моноблок, компьютер, смартфон; мобил илова
Ҳа: Standard тарифида “Фискализация” бор
Савдони автоматлаштириш дастури
Улгуржи ва чакана савдо
Касса дастури ва шахсий кабинет; Android ва iOS илова
Ҳа: “Фискал QR чоп этиш”; ОФД ва Didox билан интеграция
Маълумот ҳар бир тизимнинг ўз сайтидан. BILLZ, Hippo, iDo‘kon, mDokon, RAOS, Smartdo ва YesPOS нархлари 16.09.2026 да олинган ва 17.09.2026 да қайта кўрилган; қолганлари — 17.09.2026. Нарх ўзгариши мумкин.
Бир нечта омбор, улгуржи савдо, интернет-дўкон ёки дистрибуция бўлса, шу турдаги тизимларни кўриб чиқиш мумкин. MoySklad ва REGOS’да кичик тарифлар ҳам бор.
Булутли ERP: омбор ҳисоби, савдо ва ишлаб чиқаришни автоматлаштириш
Чакана ва улгуржи савдо, интернет-савдо, ишлаб чиқариш
Булут; смартфон, планшет, компьютер
Ҳа: E-POS онлайн-кассаси орқали савдони солиқда рўйхатдан ўтказиш, QR билан чекни фискаллаштириш, AslBelgisi интеграцияси ёзилган
Касса, омбор, чеклар ва ҳисоботлар: савдони автоматлаштириш платформаси
Дўконлар ва тармоқлар, улгуржи савдо, интернет-дўконлар
Браузер (REGOS: Online) ва унинг иловаси; кассир иш жойи — REGOS: POS
Ҳа: сертификатланган виртуал касса REGOS: VCR — фискал чек, солиқ қўмитасига узатиш, МХИК ва маркировка
Дистрибуцияни автоматлаштириш учун булутли платформа
Дистрибуция, ишлаб чиқариш, чакана савдо
Булут (веб); iOS ва Android мобил илова
Тилга олинмаган (маркировка кодлари билан ишлаш ёзилган)
MoySklad ва REGOS нархлари 16.09.2026 да олинган ва 17.09.2026 да қайта кўрилган; Smartup — 17.09.2026. Ҳаммаси тизимларнинг ўз сайтидан.
Дастур дўкондаги компьютерга ўрнатилади. Нархи обунали тизимлардагидек ойма-ой бўлмаслиги мумкин — сайтида қандай ёзилганига қаранг.
Омбор, дўкон ва бутиклар учун савдо ҳисобини автоматлаштириш дастури (REGOS Software)
Дўконлар, бутиклар, дорихоналар, супермаркетлар, омборлар, бозорлар
Компьютерга ўрнатилади; сайтдан демо версия юкланади
easytrade.uz’да тилга олинмаган (компаниянинг REGOS: VCR виртуал кассаси — алоҳида маҳсулот)
Улгуржи ва чакана бизнес учун дастур
Дўконлар, супермаркетлар, бутиклар, дорихоналар, қурилиш ва спорт дўконлари, омборлар
Windows дастури; JetMobile ва JetBot қўшимчалари
“Фискал чек” деб ёзилмаган; E-POS тизими билан интеграция (кешбэкли QR код) бор
Маълумот 17.09.2026 да тизимларнинг ўз сайтидан олинган (EasyTrade нархи — ишлаб чиқувчи REGOS Software’нинг regos.uz сайтидан).
Компьютерсиз, телефон ёки планшетда дўкон ҳисобини юритиш учун. Иккаласи ҳам фискал касса ўрнини босмаслигини очиқ ёзган. BuySale шу гуруҳда.
Телефондаги дўкон кассаси: касса, омбор, насия, QR тўлов, ҳисобот
Дўконлар
Android телефон ёки планшет (Google Play); хоҳласа сканер ва чек принтери қўшилади
Йўқ: сайтида BirLiy фискал кассани алмаштирмаслиги ёзилган
Телефонда касса, омбор, насия дафтари, кунлик фойда ҳисоботи ва AI ёрдамчи
Кичик чакана дўконлар — рўйхатдан ўтишда тўққиз турдан бири танланади
Телефон ёки компьютер браузери; Android илова сайтдан юкланади (Play Market’да эмас); iPhone’да Safari орқали экранга қўшилади
Йўқ: фискал чек бермайди ва солиқ тизимига уланмаган
BirLiy маълумоти унинг сайтидан 16.09.2026 да олинган ва 17.09.2026 да қайта кўрилган. BuySale нархи Нархлар саҳифасидаги билан бир хил.
Рекламадаги узун рўйхатдан кўра шу саволларга олинган жавоб фойдалироқ. Уларни демо ёки синов пайтида тизимнинг ўзига беринг.
Аввал дўконингизга фискал чек қандай тартибда кераклигини солиқ органидан ёки бухгалтердан аниқланг. Кейин сўранг: дастур чекни ўзи фискаллаштирадими, онлайн кассага уланадими ёки ёнида алоҳида касса керакми.
Алоқа узилиб турадиган жойда офлайн режим борми ва қанча ишлашини сўранг. Баъзи сайтларда 24 соатдан 2 ҳафтагача деб ёзилган; BuySale’нинг Android ва Windows иловалари 7 кунгача ишлайди, браузер версияси эса интернет билан.
Телефон, планшет, компьютер ёки моноблок — бор жиҳозингизга мосини танланг. Янги жиҳоз керак бўлса, нархини ҳам қўшинг: масалан, Rahmat POS сайтида SUNMI P3 терминали 990 000 сўм.
Ойлик тўловдан ташқари ўрнатиш, қўшимча касса, фойдаланувчи ва филиал нархини сўранг. Сайтлардан мисол: UMAG’да ўрнатиш ва ўқитиш 795 000 сўм, REGOS’да қўшимча касса 30 000 сўм/ой, BILLZ’да қўшимча локация +179 000 сўм.
Бепул синов сайтларда 5 кундан (JetPOS) 30 кунгача (RAOS). Синовни ҳақиқий савдо кунида ўтказинг — бир кун кассада туриш кўп нарсани кўрсатади.
Қарз мижоз, сумма ва муддат билан сақланадими, қисман тўлов ўзи айриладими? Сотувчига таннарх ва фойдани кўрсатмасликни рухсат орқали чеклаш мумкинми? Демо пайтида шуни кўрсатишларини сўранг.
Excel ёки эски дастурдан товарларни импорт қилиш мумкинми, қарз қолдиқлари қандай киритилади — олдиндан сўранг. BuySale’да файл импорти йўқ, лекин рўйхатни ёки накладнойни суратга олсангиз AI ёрдамчи ўқиб, кирим картасини тайёрлайди; қолгани каталог ва сканер орқали.
BuySale — кичик дўкон учун телефонда ишлайдиган дастур: касса, омбор, насия, ҳисобот. У фискал касса эмас ва уни алмаштирмайди: фискал касса керак бўлса, у алоҳида ишлайди, BuySale эса ёнида қолдиқ, фойда, насия ва ходим ҳисобини юритади.
Штрих-код, сават, нақд, карта ёки қарз, чек ва смена якуни.
Батафсил →Дўкон турига қараб кунига 6 630 сўмдан; ҳамма имконият битта нархда.
Батафсил →Ўнта тизимнинг эълон қилинган нархи ва кимга қайси бири тўғри келиши.
Батафсил →Касса аппарати, фискал касса ва POS дастур фарқи оддий тилда.
Батафсил →Турига қараб беш гуруҳ бор. Онлайн ва виртуал кассалар: E-POS Systems, MobilKassa, Rahmat POS, Smart Business. Дўкон учун касса ва омбор дастурлари: BILLZ, Hippo POS, iDo‘kon, mDokon, Optimo, Paloma365, RAOS, Smartdo, UMAG, YesPOS. Омбор ва ERP тизимлари: MoySklad, REGOS, Smartup. Компьютер дастурлари: EasyTrade, JetPOS. Телефон иловалари: BirLiy, BuySale. Бу рўйхат тўлиқ эмас — бозорда бошқа тизимлар ҳам бор.
Битта жавоб йўқ, чунки тарифлар турли нарсани ўз ичига олади. Сайтларда эълон қилинган паст нархлардан: MoySklad’нинг бепул тарифи (100 тагача товар), REGOS Start — 69 000 сўм/ой, BirLiy — биринчи 6 ой 49 000 сўм/ой, Smartdo Бошланғич — 99 000 сўм/ой, BILLZ Lite — 99 000 сўм. BuySale — кунига 6 630 сўмдан, балансдан ҳар куни ечилади (30 кунлик суммаси Нархлар саҳифасида). Ойлик тўловдан ташқари ўрнатиш, қўшимча касса ва жиҳоз нархини ҳам қўшиб ҳисобланг: масалан, UMAG сайтида ўрнатиш ва ўқитиш учун бир марталик 795 000 сўм ёзилган.
Бор. Ўз сайтида офлайн ишлашни ёзганлар: BILLZ, BirLiy, E-POS, iDo‘kon, mDokon, MoySklad, RAOS, Smartdo, UMAG; MobilKassa ва Rahmat POS — 24 соатгача, Paloma365 — 2 ҳафтагача. BuySale’нинг Android ва Windows иловалари ҳам 7 кунгача офлайн ишлайди (браузер версияси — фақат интернет билан). Офлайн режим қанча ишлашини ва маълумот кейин қандай юборилишини тизимнинг ўзидан сўранг.
Бор. BirLiy Android телефон ва планшетда ишлайди, Google Play’да бор. BuySale телефон браузерида ишлайди, Android иловаси сайтдан юкланади, iPhone’да Safari орқали экранга қўшилади. Онлайн кассалардан MobilKassa Android смартфонда ишлашини, E-POS эса смартфон учун E-POS Mobile борлигини ёзган. RAOS’да кассир учун Android илова бор; Paloma365 телефон ва планшетда, mDokon Android’да ишлашини ёзган. Бошқаларини жадваллардаги “Қайси қурилмада” қаторидан кўринг.
Йўқ. BuySale фискал чек бермайди ва солиқ тизимига уланмаган — чиқадиган чек оддий ҳисоб варақаси: фискал белги ҳам, солиқ QR коди ҳам йўқ. Фискал чек керак бўлса, у онлайн касса ёки виртуал кассадан чиқади; BuySale унинг ёнида қолдиқ, фойда ва насияни ҳисоблайди.
Бу солиқ қонунчилигига боғлиқ савол, биз юридик маслаҳат бермаймиз. Дўконингиз тури ва фаолиятига қараб қандай тартиб амал қилишини солиқ органидан ёки бухгалтерингиздан аниқланг; расмий маълумот soliq.uz сайтида. Шундан кейин талабга мос тизимни танлайсиз.
Саҳифани BuySale тайёрлаган, буни яширмаймиз. Шунинг учун рейтинг қилмадик: гуруҳлар тур бўйича, ичида алифбо тартиби, BuySale ҳам ўз гуруҳида ва нима қилмаслиги очиқ ёзилган. Ҳар бир тизим ҳақидаги маълумот унинг ўз сайтидан 2026-йил 16–17-сентябрда олинган. Нарх ва имкониятлар ўзгариши мумкин, шунинг учун танлашдан олдин ўша сайтни ўзингиз очинг. Хато кўрсангиз, Алоқа саҳифаси орқали ёзинг.
Юқоридаги беш гуруҳ 17-сентябрда йиғилган эди ва унга бир нечта тизим кирмаган. 2026-09-18 да биз Ўзбекистон бўйича эълон қилинган оммавий дастур рўйхатларини олдик, уларда учраган ҳар бир тизимнинг ўз расмий саҳифасини қайта очдик ва натижани шу жадвалга йиғдик: 25 та тизим, алифбо тартибида, BuySale ҳам ўз жойида. Сайт очилмаса ёки маълумот топилмаса, шуни очиқ ёздик — тахмин қилмадик. Иккала рўйхат бир-бирини тўлдиради: юқоридаги гуруҳларда бор, лекин бу жадвалда йўқ тизимлар ҳам бор.
| Тизим | Ким учун | Қайси қурилмада | Эълон қилинган нарх | Фискал чек / солиқ |
|---|---|---|---|---|
| BILLZ қайта текширилди: 2026-10-04 | Чакана дўкон ва дўкон тармоқлари: кийим, пойабзал, косметика, аксессуар, электроника, озиқ-овқат, қурилиш моллари. BILLZ Lite — савдо, қарз ва тушумнинг оддий ҳисоби керак бўлган кичик дўкон учун | Асосий тарифларда иш жойи — веб ва компьютер, кассир ҳамда сотувчи учун алоҳида мобил илова бор; BILLZ Lite — смартфонда (илова ёки браузер) ишлайдиган оддий тариф | Lite — 99 000 сўм; Start — 299 000 сўм/ой | Нарх ва имкониятлар саҳифаларида солиқ интеграцияси айтилмаган |
| BuySale (шу сайтнинг дастури) | Кичик чакана дўкон: эгаси ва бир-икки сотувчи. Рўйхатдан ўтишда дўкон тури танланади, сайтда 9 турнинг нархи очиқ | Телефон ёки компьютер браузери; Android илова сайтдан юкланади (Play Market’да йўқ), iPhone’да Safari орқали бош экранга қўшилади | Кунига 6 630 сўмдан | Йўқ: фискал чек бермайди ва солиқ тизимига уланмаган — дўконнинг фискал кассаси ёнида ишлайди |
| CloudShop | Кичик чакана бизнес: дўкон ҳисоби, касса, мижозлар ва молиявий таҳлил. Ўзбекистон учун алоҳида сайт топилмади | Телефонда ҳам ишлайди | Фақат рублда: 0 ₽/ой дан | Ўзбекистон солиқ тизими ҳақида ҳеч нарса ёзилмаган (фискал имкониятлари Россия талабларига мўлжалланган) |
| EasyTrade | Дўкон, бутик, дорихона, супермаркет, омбор, бозор — савдо ва омбор ҳисоби. REGOS Software маҳсулоти | Windows учун десктоп дастур; мобил версия ҳақида саҳифада маълумот йўқ | Нарх эълон қилинмаган | Аниқ таърифланмаган: саҳифада REGOS:VCR виртуал кассасига ҳавола бор, лекин у алоҳида маҳсулот |
| Hippo POS | Супермаркет, ресторан, дорихона, кийим ва электроника дўконлари, хизмат марказлари, мебель ва қурилиш моллари | Булутли веб платформа; мобил ёки десктоп илова саҳифада айтилмаган | Base — 247 200 сўм/ой | Ҳа: онлайн ККМ билан интеграция, QR-кодли чек ва солиқ ҳисоботи |
| iDo‘kon | Чакана дўконлар, минимаркет, супермаркет, онлайн савдо — кичикдан йирикгача | Windows учун юклаб олинадиган десктоп илова, админ панель веб; мобил илова ҳақида саҳифада маълумот йўқ | Start — 100 000 сўм/ой | Ҳа: солиқ идораси билан боғланган онлайн касса, Multikassa интеграцияси ва E-imzo SMS хабарномаси |
| JetPOS | Чакана ва улгуржи савдо: дўкон, супермаркет, дорихона, омбор ва савдо нуқталари | Асосий иш жойи — компьютер, ноутбук ёки планшет; JetMobile ёрдамчи иловаси бор | Нарх эълон қилинмаган | Ҳа: E-POS тизими билан интеграция қилинган, кешбэк QR чиқариши мумкин |
| Jowi | Ресторан, кафе ва барларни автоматлаштириш — дўкон учун эмас. Тошкентда қўллаб-қувватлаш офиси бор | Гибрид тизим: маҳаллий модуль жойида ўрнатилади, маълумот булут билан синхронланади | Текшириб бўлмади | Текшириб бўлмади — расмий сайт очилмади |
| LiteBox | Россия бозори учун онлайн касса. Саҳифада Ўзбекистон, сўм ёки Марказий Осиё ҳақида ҳеч нарса йўқ. Диққат: litebox.uz — Ўзбекистондаги реклама ускуналари компанияси, LiteBox POS билан алоқаси йўқ | Саҳифада айтилмаган | Нарх эълон қилинмаган | Россия талабларига мўлжалланган; Ўзбекистон солиқ тизими ҳақида ёзилмаган |
| Loyverse | Кичик бизнес: ресторан, кафе, бар, озиқ-овқат ва кийим дўконлари, заргарлик, салон, автоювиш, меҳмонхона | Телефон ва планшетга мўлжалланган (iOS ва Android), Back Office браузерда | Асосий POS бепул, қўшимчалар долларда | Сайтида Ўзбекистон солиқ тизими ҳақида ҳеч нарса ёзилмаган — маҳаллий фискализация тасдиқланмади |
| mDokon | Озиқ-овқат дўконлари, супермаркет, уй-рўзғор, қурилиш моллари, парфюмерия ва аксессуар дўконлари — кичик ва ўрта чакана савдо | Телефонда ҳам ишлайди; Google Play’да «mDokon Касса» иловаси бор | Standard — 199 000 сўм/ой | Ҳа: солиқ фискализацияси, Click, Payme ва Uzum интеграцияси |
| MobilKassa | Смартфондаги онлайн касса — кичик савдо нуқталари учун (Google Play таърифига кўра). Расмий сайти топилмади | Android смартфон | Текширилмаган | Бирламчи манбадан текширилмаган |
| MoySklad қайта текширилди: 2026-10-04 | Ўзбекистондаги кичик бизнес: чакана, улгуржи, интернет-савдо ва ишлаб чиқариш; омбор ҳисоби ва POS | Булут; телефонда ҳам ишлайди — Google Play’да касса ва бошқарув иловалари бор | Бепул тариф бор; Базовый — 196 000 сўм/ой | Ҳа: E-POS орқали савдони солиқда бир босишда рўйхатдан ўтказиш ва QR фискал чек |
| Optimo | Озиқ-овқат дўконлари, минимаркет, киоска, фаст-фуд; филиаллар, таъминотчи тўловлари ва ишлаб чиқариш ҳисоби | Булутли тизим, ноутбук ёки мобил телефон орқали ишлайди; «телефонга мўлжалланган» деб сайтда ёзилмаган | Асосий — 100 000 сўм/ой | Сайтда солиқ ва фискал интеграция ҳақида ҳеч нарса ёзилмаган |
| OX System (OX Retail) | Дўкон ва хизмат кўрсатиш шохобчаларини тўлиқ автоматлаштириш | Веб, iOS ва Android | Нарх эълон қилинмаган | Саҳифада солиқ ва фискал интеграция ҳақида ёзилмаган |
| Paloma365 | Кафе, ресторан, фаст-фуд, чакана дўкон, дорихона, гўзаллик салони, доставка — кичик ва ўрта бизнес | Windows, Android ва iOS; телефонда ҳам ишлайди, 2 ҳафтагача офлайн режим | Бошланғич — 134 700 сўм/ой | Тариф саҳифасида ҳам, бош саҳифада ҳам солиқ/фискал интеграция айтилмаган |
| Poster POS | Асосан HORECA: ресторан, кофехона, бар, фаст-фуд, пиццерия, доставка, нонвойхона; чакана йўналишда кичик ассортиментли дўконлар | Телефонда ҳам ишлайди. Тошкентда ваколатхонаси бор, лекин сайт тиллари орасида ўзбек тили йўқ | Фақат долларда: $26/ой дан | Ўзбекистон солиқ тизими билан интеграция нарх саҳифасида айтилмаган |
| PosPoint | Озиқ-овқат, кийим, косметика, қурилиш моллари, электроника ва аксессуар дўконлари — кичик дўкондан кўп филиалли тармоққа | Веб тизим ва менежер учун «Bospoint» мобил иловаси; Google Play ҳаволаси саҳифада берилмаган | Start — 99 000 сўм/ой | Ҳа: онлайн касса ва ягона QR ҳар бир тарифга киритилган |
| RAOS | Кичикдан йирикгача чакана савдо: косметика, кийим, дорихона, ресторан, авто эҳтиёт қисмлар; алоҳида дўкондан кўп филиалли тармоққа | Компьютер, планшет ва телефонда: Android кассир иловаси, эгаси учун iOS ва Android илова; офлайн режимда маҳаллий сақлаш | Starter — 249 000 сўм/ой | Ҳа: Soliq.uz интеграцияси барча тарифларга қўшимча тўловсиз киритилган, фискал чек ОФД орқали юборилади |
| REGOS қайта текширилди: 2026-10-04 | Чакана ва улгуржи савдо, дўкон тармоқлари ва алоҳида дўконлар, омбор ҳисоби | Асосий ечим — булут ва Windows десктоп; REGOS Online иловаси Google Play ва App Store’да бор деб ёзилган, лекин ҳавола берилмаган | Start — 69 000 сўм/ой | Ҳа, лекин «фискал модулни улаш» алоҳида хизмат сифатида алоҳида тўланади |
| SellerPeak24 | Дўкон, савдо нуқтаси, омбор, кафе ва ресторанлар; кичик-ўрта бизнесдан йирик тармоқларгача (ERP) | Текшириб бўлмади — сайт очилмади | Текшириб бўлмади | Текшириб бўлмади — расмий манба очилмади |
| Smartup | Дистрибуцияни автоматлаштириш — 50 дан ортиқ ходимли ўрта ва йирик компаниялар, майдон ходимларини назорат қилиш ва савдо ташрифлари. Кичик дўкон учун эмас | Саҳифада айтилмаган | Нарх эълон қилинмаган | Айтилмаган |
| UMAG | Чакана дўконлар: озиқ-овқат, дорихона, кийим ва пойабзал, косметика, аксессуар, ўйинчоқ, алкоголь. Ўзбекистон, Қозоғистон, Қирғизистон ва Тожикистонда ишлайди | Тарифга мобил илова киритилган, лекин илова ҳаволаси берилмаган; ўрнатишни UMAG мутахассислари жойида бажаради | Standard — 3 ойга 582 000 сўм | Ҳа: Standard тарифига фискализация киритилган |
| USU (Ususoft) | Дўкон, супермаркет, дорихона, салон, таъмирлаш устахонаси, тиббиёт муассасалари ва савдо компаниялари — универсал бухгалтерия ва бизнес автоматлаштириш | Фақат Windows учун десктоп дастур | Текширилган саҳифада нарх йўқ | Ҳа: чекни фискализация билан ёки фискализациясиз чоп этиш мумкин |
| YesPOS | Дўкон, бозор, супермаркет, кафе, ресторан, гўзаллик салони ва хизмат нуқталари — стартапдан йирик корхонагача | Android ва iOS илова ҳамда веб тизим; илова ўзбек, рус ва инглиз тилларида | Standard — 100 000 сўм/ой | Ҳа: фискал QR чоп этиш, ОФД ва DIDOX; CLICK ва PAYME интеграциялари |
Текширилган: 2026-09-18; BILLZ, REGOS ва MoySklad қаторлари 2026-10-04 да қайта текширилди. Ҳар бир катак ўша тизимнинг юқоридаги ҳаволадаги ўз саҳифасидан олинган; «айтилмаган» дегани «бундай имконият йўқ» дегани эмас — биз очган саҳифада ёзилмаган, холос. Нарх ва шартлар ўзгаради, шунинг учун шартномадан олдин сайтни ўзингиз очинг. Дастур эгаларига: маълумотингиз эскирган ёки нотўғри бўлса, Алоқа саҳифаси ёки Telegram бот орқали ёзинг — манбангизга қараб тузатамиз ва текширилган санани янгилаймиз.
Тизимларнинг рўйхатини қуйидаги оммавий шарҳлардан олдик — уларнинг баъзилари рақобатчиларимиз томонидан ёзилган, буни ҳам яширмаймиз. Лекин ҳар бир катакдаги маълумот бу мақолалардан эмас, ўша тизимнинг ўз расмий саҳифасидан олинган: шарҳ мақоласидаги рақамни кўчириб ёзиш — хатони кўчириб ёзиш билан баробар.
Ҳамма учун битта тўғри жавоб йўқ, шунинг учун биз рейтинг ёзмаймиз. Аввал икки саволга жавоб беринг: фискал чекни ким чиқаради (солиқ органи ёки бухгалтерингиз айтади; фарқи «Касса аппарати керакми?» саҳифасида) ва ҳисобни қайси қурилмада юритасиз. Фискал чек дастурнинг ўзидан чиқиши керак бўлса, жадвалдаги солиқ интеграциясини эълон қилган тизимларга қаранг. Компьютерингиз бўлмаса ва ҳисобни телефонда юритмоқчи бўлсангиз, телефон учун мўлжалланганларга қаранг. Шундан кейин нархни ва чекловларни солиштиринг — жадвалдаги ҳар бир катак ўша тизимнинг ўз сайтига боғланган. Қолган саволлар: дастур танлашдан олдинги саккиз савол.
Гуруҳлар 17-сентябрда, жадвал эса 2026-09-18 да тузилган ва бошқа рўйхатлардан келган тизимларни ҳам қамраб олган — масалан Loyverse, Poster POS, OX System, SellerPeak24, Jowi, CloudShop, LiteBox, Optimo ва USU. Айни пайтда гуруҳларда бор, лекин жадвалда йўқ тизимлар ҳам бор: улар бошқа текширувдан. Иккаласини бирга ўқиган маъқул — рўйхатнинг ҳеч бири тўлиқ эмас.
Чунки нархнинг йўқлиги ҳам дўкончи учун маълумот: демак, таққослашни қўнғироқдан бошлаш керак бўлади ва жамини олдиндан ҳисоблаб бўлмайди. Бундай тизимни жадвалдан олиб ташласак, саҳифа “ҳамма нархини эълон қилган” деган нотўғри таассурот қолдирарди. Шунинг учун улар ҳам турибди — “нарх эълон қилинмаган” деб.
Биз бундай хулоса чиқармаймиз ва сизга ҳам тавсия қилмаймиз. Фақат кўрганимизни ёзамиз: 2026-09-18 да jowi.club ва cloudshop.uz жавоб бермади, jowi.uz 404 қайтарди, sellerpeak24.uz домени тиклаш муддатида эди, oxsystem.uz эса жавоб бермади (маҳсулот саҳифаси oxapp.io да топилди). Домен вақтинча ишламай туриши ҳам, бошқа манзилга кўчган бўлиши ҳам мумкин. Шу тизим керак бўлса, улар билан тўғридан-тўғри боғланинг.
Йўқ. Тартиб алифбо бўйича, пуллик жой ҳам, ҳомийлик ҳам йўқ. Ташқи ҳаволалар nofollow белгиси билан қўйилган — яъни улар ҳеч кимнинг қидирувдаги ўрнини кўтармайди ҳам, туширмайди ҳам. Биз фақат битта нарсани сўраймиз: хато кўрсангиз, манба ҳаволаси билан ёзинг.
Тайёрлади: BuySale жамоаси · Текширилди: 18.09.2026 · Хато топсангиз, Telegram’да бизга ёзинг
Танлашдан олдин ўзингизга берадиган саккиз савол, обунадан ташқари харажатлар ва Ўзбекистондаги ечим турлари. Нархлар вендорларнинг ўз сайтидан.
Батафсил →24 та тизим текширилди: 15 таси нархини очиқ ёзган, 9 таси ёзмаган. Ойлик нарх 69 000–299 000 сўм, медиана 134 700 сўм. Текширилган 2026-09-18.
Батафсил →POS тизими нима, касса аппарати, онлайн касса (онлайн-НКМ) ва виртуал кассадан фарқи, дўконни автоматлаштиришда нима керак — дўкончи тилида тушунтирдик.
Батафсил →Қарз дафтар иловалари солиштирилди: қайси бири фақат қарз ёзади, қайси бири касса билан, ким SMS юборади ва нархи қанча — манба ва сана билан.
Батафсил →MoySklad ўрнига нима: нарх, қурилма, бепул тариф ва кимга қайси бири мос — ҳар рақам вендор сайтидан, санаси билан. BuySale’нинг заиф томонлари ҳам ёзилган.
Батафсил →
7 кун бепул, тўлов картаси сўралмайди. Кейин кунига 6 630 сўмдан — дўкон турига қараб.
Бепул бошлашBuySale ёрдамчиси
Сайт маълумотлари асосида жавоб беради
AI хато қилиши мумкин — муҳим саволни Telegram орқали аниқланг.
Жавоб ёзилмоқда