Бугун синаб кўринг, эртага фарқни кўрасиз.
7 кун бепул, тўлов картаси сўралмайди. Кейин кунига 6 630 сўмдан — дўкон турига қараб.
Бепул бошлашКийим дўконида савол битта — қайси размердан нечта қолди. BuySale’да бир кўйлакнинг M ва L ўлчами алоҳида карточка бўлиб туради, шунинг учун қолдиқ ҳам, савдо ҳам, ёрлиқ ҳам размер билан кўринади.
Киримда размер катаги чиқади: ҳар размер алоҳида карточка бўлади, шунинг учун M дан нечта, L дан нечта қолгани аниқ кўринади.
Бир хил кўйлакнинг ҳар ўлчами ўз карточкасида туради. Размерни тайёр тугмалардан (XS, S, M, L, XL, XXL, 3XL) бир босишда қўясиз ёки 42, 104 см деб ўзингиз ёзасиз — шим ва болалар кийими учун шуниси қулай.
M ва L битта қаторга қўшилиб кетмайди. Омбордаги сон айнан ўша размернинг қолдиғини кўрсатади.
Омбор экранининг тепасида размерлар чип бўлиб туради, ҳар бирининг ёнида нечталиги ёзилган — босасиз, фақат ўшалари қолади.
Ҳар карточкага “кам қолди” чегараси қўйилади — кийим дўконида стандарт 2 та, хоҳласангиз ўзингизникини ёзасиз. Қолдиқ шундан пастга тушса сон бош саҳифада ҳам, омборда ҳам сариқ бўлиб чиқади; размер эса омбор рўйхатида ном остида ёзилиб туради, бош саҳифада фақат товар номи кўринади.
Товар карточкасида размер бор, ранг эса йўқ. Шунинг учун рангни товар номига ёзасиз: “Кўйлак оқ M”, “Кўйлак қора M”. Бунда ҳар ранг ўз карточкаси бўлади ва қолдиқ ҳам шунга қараб юритилади, қидирув эса ном бўйича ишлайди.
Бозордан келган кийимда кўпинча завод коди бўлмайди. Бир босишда товарга дўконнинг ўз коди ясалади — у “20” билан бошланади ва ҳеч қачон завод коди билан чалкашмайди. Шу заҳоти ёрлиқ чоп этилади: ном ва код билан бирга размер ҳам йирик қилиб босилади — жавондаги бир хил кўйлакларни айнан шу ажратиб туради. Ёрлиқ ўлчамлари ва принтер — штрих-код ва ёрлиқ қўлланмасида.
Пойабзал дўкони ҳам кийим турида ишлайди: «жуфт» бирлиги бор, ҳар размер (масалан 41 ва 42) алоҳида карточка бўлади ва қолдиқ размер бўйича кўринади. Ранг учун алоҳида майдон йўқ — керак бўлса ранг номга ёзилади («Кроссовка, қора»).
Кассада ёрлиқни телефон камераси ўқийди: базада бор ва қолдиғи етадиган товар саватга ўзи тушади, сканер эса очиқ қолади — товарларни кетма-кет тутаверасиз. Омборда боричадан кўп қўшиб бўлмайди, етишмаётган товар дарҳол айтилади.
Экран пастида сават номи, нечта хил товар борлиги ва умумий сумма кўриниб туради. Код базада топилмаса сканер ёпилади ва кодни товарга бириктириш таклиф қилинади.
Бир вақтда 8 тагача сават очиқ туради ва ҳар бирига ном берасиз — биринчи мижоз ўйлаб турганда иккинчисиники якунланади. Саватлар телефонда сақланади, бошқа бўлимга ўтиб қайтсангиз ҳам жойида туради.
Ҳар бир тўлов алоҳида ёзиб борилади — кунлик ҳисоботдаги нақд ва карта рақамлари шундан чиқади. Қарзга сотиш алоҳида рухсат: рухсати йўқ сотувчи фақат нақд ва карта билан сотади.
Қайтариш чек қидиришдан эмас, товарни сканерлашдан бошланади: ўша товар сотилган охирги сотувлар чиқади, энг охиргиси ўзи танлаб қўйилади, қанча пул қайтиши дарҳол кўринади. Товар омборга қайтади — кейин мижозга керакли размерни сотасиз.
Қиш тугади, курткаларни тушириш керак. Товарга чегирма фоизини қўясиз ва эски нарх чизилган ҳолда кўриниб туради. Бир неча товарни белгилаб, ҳаммасига бир босишда чегирма қўйиб юборсангиз ҳам бўлади — энг кўпи 90% гача.
Жавонни санаб чиқишда буюмларни биркасидан кетма-кет сканерлайсиз, сканер ҳар сафар ёпилмайди. Текширилгани серверда сақланади — экрандан чиқиб кетсангиз ҳам, бошқа телефондан давом этсангиз ҳам қаерда тўхтаган бўлсангиз ўша ердан давом этади. Охирида фарқ чиққан товарлар рўйхати кўрсатилади ва қолдиқ тўғриланади — инвентаризация қўлланмаси.
Нархни дўкон тури белгилайди ва у шу турдаги ҳамма дўкон учун бир хил. Бу турда AI ёрдамчига берилган савол учун алоҳида пул ечилмайди. Ҳамма турларнинг нархи ва нарх ичига нима кириши — нархлар саҳифасида, бошқа дастурлар қанча сўраши эса дўкон дастурлари нархи тадқиқотида.
Ҳисоб кунлик, ойлик шартнома йўқ; ходим, касса ва товар сони учун устига тўлов қўшилмайди; созлаш 0 сўм; 7 кун бепул. Фискал касса эмас.
Юқоридаги рақам шу дўкон тури учун амалдаги нарх. Бошқа дастурларнинг эълон қилинган нархлари «Дўкон дастурлари нархи» саҳифасида манба ҳаволаси ва текширилган санаси билан йиғилган.
Ҳар ўлчам алоҳида карточка бўлади, яъни “Кўйлак M” ва “Кўйлак L” — икки товар. Шунинг учун қайси размердан нечта қолгани аниқ кўринади, омбор тепасидаги размер чиплари билан эса фақат керакли ўлчамни ажратиб оласиз.
Ранг учун алоҳида майдон йўқ — буни очиқ айтамиз. Рангни номга ёзасиз: “Кўйлак оқ M”, “Кўйлак қора M”. Ҳар ранг шу тариқа ўз карточкаси ва ўз қолдиғига эга бўлади, лекин ранглар бўйича тайёр фильтр ёки ҳисобот чиқмайди.
Бир босишда дўконнинг ўз коди ясалади ва дарҳол ёрлиқ чоп этилади — ёрлиқда размер ҳам йирик қилиб босилади. Ёрлиқ чиқиши учун товарда код бўлиши шарт, шунинг учун илова уни ўзи ясаб беради; кейин ўша код билан сотув ҳам, қайтариш ҳам, инвентаризация ҳам сканерлаб бажарилади.
Буни ўзингиз ҳал қиласиз. Нархни дастур товар карточкасидаги чегирма бўйича ҳисоблайди ва чегирма қўйиш алоҳида рухсат. Кассада савдолашиш — харидорга келишилган жамини ёзиб нархни тушириш — ҳам ўз рухсати билан: у «Менежер»дан бошқа тайёр тўпламларда йўқ ва берилган чегирма ҳар савдода ёзилиб қолади. Кирим нархини кўриш ҳам алоҳида: рухсати йўқ ходимга таннарх ва фойда умуман юборилмайди.
Ҳа. Накладной ёки дафтарни ёрдамчига сурат қилиб юборсангиз, у қаторларни ўқиб тайёр рўйхат қилади (бир суратдан кўпи билан 40 қатор). Рўйхат омборга ўзи тушмайди: ҳар қаторни кўриб, керак бўлса тузатиб, “Тасдиқлаш” босганингиздан кейингина кирим бўлади. Алоҳида товарнинг ёрлиғини суратга олсангиз эса ном, код, сотув нархи ва размер ўз катагига тушади — ном устидан ёзилади, қолган катаклардан фақат бўшлари тўлади.
Android ва Windows иловалари интернетсиз 7 кунгача ишлайди, браузердаги веб-версия эса интернет билан. Telegram ҳам керак бўлади — иловага кириш коди фақат Telegram бот орқали келади, кечки ҳисобот ва инвентаризацияни қайтадан бошлаш учун тасдиқ коди ҳам ўша ерга тушади. Ходимлар эса дўкон рақами ва ўзининг 4 хонали PIN-коди билан киради.
Мижоз товарни қайтарса: сканерлайсиз, сотув ўзи топилади. Пул нақд, картага ёки қарздан айириб қайтарилади, товар қолдиққа қайтади, фойда ўзи тўғриланади.
Батафсил →Телефон камераси қайси штрих-кодларни ўқийди, кодни товарга қандай бириктирилади, кодсиз товарга EAN-13 ясаш ва ёрлиқни A4 ёки рулонда чоп этиш.
Батафсил →Насия ва қарз дафтари иловаси: кассада қарзга сотасиз, мижозни телефон рақамидан топасиз, қисман тўлов ёзасиз. Қарздорлар, муддат ва тўлов одати бир жойда.
Батафсил →BuySale нархи дўкон турига қараб: 6 630 сўм/кундан бошланади, 30 кунга 198 900 сўм. 7 кун бепул, созлаш ҳақи йўқ.
Батафсил →9 дўкон тури: озиқ-овқат, дорихона, кийим, қурилиш, заргарлик, парфюмерия, телефон, хўжалик моллари ва бошқа — ҳар бирининг майдонлари ва нархи.
Батафсил →
7 кун бепул, тўлов картаси сўралмайди. Кейин кунига 6 630 сўмдан — дўкон турига қараб.
Бепул бошлашBuySale ёрдамчиси
Сайт маълумотлари асосида жавоб беради
AI хато қилиши мумкин — муҳим саволни Telegram орқали аниқланг.
Жавоб ёзилмоқда