Филиаллар: бир нечта дўконни битта дастурда

Қисқа жавоб

Филиал Профиль → «Филиаллар» → «Филиал қўшиш» орқали очилади. Янги телефон рақами, янги рўйхатдан ўтиш ва алоҳида Telegram керак эмас.
Ҳар филиал алоҳида дўкон каби ишлайди: ўз товарлари ва қолдиғи, кассаси, мижозлари ва насияси, ходимлари ва ҳисоботлари бор.
Баланс битта: ҳамма филиал асосий дўкон балансидан тўланади ва баланс фақат асосий дўкон кабинетидан тўлдирилади. Ҳар бир очиқ филиал учун кунига 6 630 сўм қўшилади.
Эга дўконлар орасида бир босишда ўтади. Ходим эса асосий дўкон рақами ва ўз PIN-коди билан киради — илова уни ўз филиалига ўзи олиб киради.
Товарни бир филиалдан бошқасига ўтказма билан юборасиз: қабул қилувчи филиал келганини санаб тасдиқлайди.
Кечки Telegram ҳисоботида асосий дўкон, ҳар филиал ва жами битта хабарда келади.

BuySale иловасидаги Филиаллар экрани: асосий дўкон ва филиаллар рўйхати — **Филиаллар**Асосий дўкон ва филиаллар рўйхати: ҳар бирининг манзили, ходимлари сони ва кунлик нархи. Пастида — «Филиал қўшиш».

Филиаллар орасида ўтиш ойнаси: дўконлар рўйхати — **Дўконни алмаштириш**«Қайси дўконда ишлайсиз?» — эга бир босишда бошқа филиалга ўтади, қайта кириш шарт эмас.

Суратлар намойиш дўконидан олинган: улардаги товар номлари, ходимлар ва суммалар ўйлаб топилган. Экраннинг кўриниши эса айнан шундай.

Филиал қандай очилади

Филиални фақат дўкон эгаси ўз кабинетидан очади. Бир неча дақиқалик иш.

Профиль → «Филиаллар»

Рўйхатда асосий дўкон ва филиаллар туради: ҳар бирининг манзили, ходимлари сони ва кунлик нархи. Шу бўлим менюда ҳам бор.

«Филиал қўшиш»

Номини (масалан, «Чилонзор филиали») ва хоҳласангиз манзилини ёзасиз. Илова шу ерда филиал учун кунлик тўловни олдиндан кўрсатади.

«Филиални очиш»

Филиал асосий дўкон созламалари билан очилади: дўкон тури, тил, чек ва ёрлиқ принтери ўлчамлари. Омбори бўш — товарни асосий дўкондан ўтказасиз ёки кирим қиласиз.

«Шу дўконга ўтиш»

Филиалга ўтиб, ходимларини қўшасиз ва ишни бошлайсиз. Филиалда турганингизда экран тепасида «Филиал: …» ёзуви туради — қайси дўкондалигингиз адашмайди.

Баланс тўлдирилмагунча (хизмат тўхтаб турганда) янги филиал очиб бўлмайди.
Очиқ филиаллар сонига чегара бор; унга етсангиз, илова айтади — янгисини очиш учун кераксизини ёпасиз.
Филиал номи гуруҳ ичида такрорланмайди: асосий дўкон билан бир хил ном ҳам қўйилмайди.

Пул: битта баланс, ҳар филиалнинг ўз кунлик нархи

Ҳар бир очиқ филиал учун кунига 6 630 сўм қўшилади (30 кунга 198 900 сўм). Пул асосий дўкон балансидан ечилади ва филиал очилган куннинг эртасидан бошлаб ҳисобланади; бепул синов ва совға қилинган кунларда ечилмайди. Ёпилган филиал учун эртасидан пул олинмайди. Ёпилган филиални қайта очсангиз, ўша куннинг филиал тўлови дарҳол ечилиши мумкин — илова буни қайта очишдан олдин айтади.

Баланс фақат асосий дўкон кабинетидан тўлдирилади. Филиалдаги Баланс экрани умумий балансни кўрсатади ва унда «Асосий дўконга ўтиш» тугмаси бор.
Кунлик ечим битта ёзув бўлиб тушади ва унда нечта филиал учун экани ёзилади — масалан, «1 кун · асосий + 2 филиал».
Баланс тугаса, асосий дўкон билан бирга ҳамма филиал тўхтайди; тўлдирилгач ҳаммаси бирга очилади. Тўхтаб турган кунлар учун пул олинмайди.
Ходим, касса ва товар сони учун қўшимча тўлов йўқ — филиалда ҳам шундай.

Ким нимани кўради ва қандай киради

Дўкон эгаси

Ҳамма филиални кўради ва улар орасида бир босишда ўтади: Профиль сарлавҳасида, компьютерда чап менюда ёки тепадаги «Филиал: …» қаторидаги «Алмаштириш» билан. Қайта код сўралмайди. Очиқ сават бўлса, ўтишдан олдин илова сўрайди — саватлар тозаланади.

Ходим

Фақат ўз филиалида ишлайди ва бошқа филиалга ўта олмайди. «Ходим сифатида кириш»да асосий дўкон рақами ва ўз PIN-кодини киритади. PIN-кодлар ҳамма филиал бўйича такрорланмайди; бир одам икки филиалда ишласа, унга ҳар бирида алоҳида ходим ва алоҳида PIN очилади.

Хабарлар асосий дўкон эгасига келади: кечки ҳисобот (асосий, ҳар филиал ва жами), ходим киргани — филиал номи билан, баланс кам қолгани — умумий кунлик нарх бўйича. Ботдаги овозли қарз ёзиш ва AI саволи асосий дўкон билан ишлайди.

Кечки ҳисобот: ҳамма филиал битта хабарда

Ҳар кечки Telegram ҳисоботида аввал асосий дўкон, кейин ҳар филиал алоҳида ва охирида «Жами: асосий + N филиал» келади. Ҳисобот асосий дўконнинг созламаси бўйича — ёқилган бўлса ва белгиланган соатда — юборилади.

Ҳар филиал бўйича: савдо ва чеклар сони, нақд, карта ва қарзга бўлиниши, фойда (харажат бўлса — соф фойда) ва огоҳлантиришлар.
Жамида: умумий савдо, фойда, харажат, қарзга ёзилгани ва қарздорлардан тушгани.
Бугун ёпилган филиал ҳам ўша кунги ҳисоботга киради.
Иловадаги «Ҳисоботлар» бўлими эса ҳар филиалда ўша филиалники: бир филиалнинг ҳафта ёки ойлик ҳисоботини кўриш учун ўша филиалга ўтасиз. Барча филиалларни битта экранда жамлайдиган ҳисобот иловада йўқ.

Билдиришномалар: ҳар ўзгариш битта рўйхатда

Илованинг тепасида (компьютерда чап менюда ҳам) қўнғироқча бор: ўқилмаганлар сони шу ерда чиқади, боссангиз кунлар бўйича рўйхат очилади — суммалар «+» ва «−» билан, қайси филиалдалиги ва вақти билан. Филиали йўқ дўконда ҳам ишлайди.

Балансдан ечилган ва қўшилган пуллар: кунлик тўлов («асосий + N филиал»), AI сўровлари, балансни тўлдириш, қайтарилган тўлов, совға қилинган бепул кунлар ва таклиф бонуси.
Товар ўтказмалари: жўнатилди, қабул кутилмоқда, қабул қилинди (кам келган бўлса — неча хил товар), рад этилди ва бекор қилинди. Боссангиз, ўша ўтказма очилади.
Ходим кирди — ким ва қайси филиалда.
Камомад ёки ортиқча билан ёпилган смена.
Ходим фақат ўз филиалига тегишли ўтказмаларни кўради (омбор, кирим ёки жўнатиш рухсати бўлса). Баланс ва ким киргани — фақат эгада.
Бу илова ичидаги рўйхат: SMS ёки пуш-хабар юборилмайди. Telegram’га келадиган хабарлар (кечки ҳисобот, ходим киргани, баланс огоҳлантириши) аввалгидек келади.

Иловадаги билдиришномалар рўйхати — **Билдиришномалар**Балансдан ечилган ва қўшилган пуллар, ўтказмалар, ким киргани ва фарқли сменалар — кунлар бўйича.

Филиални ёпиш ва қайта очиш

Филиални эга ёпади; асосий дўконни ва ҳозир ичида турган филиални ёпиб бўлмайди.
Ёпилган филиалга ҳеч ким кира олмайди ва унинг ходимлари ишлай олмайди. Маълумотлари ўчмайди: қайта очсангиз, ҳаммаси жойида.
Ёпилган филиал учун эртасидан пул олинмайди. Қайта очиш — битта тугма; ўша куннинг тўлови ечилиши мумкин ва илова буни олдиндан айтади.
Тасдиқланмаган ўтказмаси бор филиални ёпиб бўлмайди — аввал ўтказма қабул қилинади, рад этилади ёки бекор қилинади.
Ёпилган филиалнинг ҳисоботини кўриш учун уни қайта очиш керак.

Бу бўлим нима ҚИЛМАЙДИ

Ростини олдиндан айтамиз — кейин “шунақа деб ўйлагандим” деган гап чиқмасин.

Барча филиалларни битта экранда (ҳафта, ой бўйича) жамлайдиган ҳисобот иловада йўқ — умумий якун фақат кечки Telegram ҳисоботида, кун бўйича.
Ҳар филиалга алоҳида баланс йўқ: ҳамма филиал асосий дўкон балансидан тўланади.
Аввал алоҳида рўйхатдан ўтган дўконни филиал қилиб қўшиб бўлмайди — филиал фақат илова ичида янгидан очилади.
Ходимни бир филиалдан бошқасига кўчириб бўлмайди; ходим бошқа филиалга ўта олмайди.
Товар карточкалари филиаллар ўртасида умумий эмас: ҳар филиалда ўз карточкаси ва ўз нархи.
Telegram ботдаги овозли қарз ёзиш ва AI саволи фақат асосий дўкон учун.
Ёпилган филиални очмасдан унинг маълумотини кўриб бўлмайди.

Филиаллар ҳақида саволлар

Иккинчи дўкон учун яна рўйхатдан ўтишим керакми?

Йўқ. Филиал асосий дўкон кабинетидан очилади: алоҳида телефон рақами ҳам, алоҳида Telegram ҳам керак эмас. Лекин аввал алоҳида рўйхатдан ўтган дўконни филиал қилиб қўшиб бўлмайди — у ўз ҳисобида қолади.

Филиал қанча туради?

Ходим филиалга қандай киради?

Иловада «Ходим сифатида кириш»ни босади, асосий дўкон рақамини ва ўз PIN-кодини киритади — илова уни ўз филиалига ўзи олиб киради. Шунинг учун PIN-код ҳамма филиал бўйича такрорланмайди. Илгаридан икки ходимда бир хил PIN бўлиб қолган бўлса, эга улардан бирини алмаштиради.

Ҳамма филиалнинг умумий фойдасини қаерда кўраман?

Кечки Telegram ҳисоботида: унда асосий дўкон, ҳар филиал ва жами (савдо, фойда, харажат, қарз) ўша кун учун келади. Иловадаги Ҳисоботлар эса ҳар филиалда алоҳида — барча филиалларни ҳафта ёки ой бўйича жамлайдиган ҳисобот иловада йўқ.

Филиалларда нарх ҳар хил бўлиши мумкинми?

Ҳа. Ҳар филиалда ўз товар карточкаси ва ўз сотув нархи бор. Ўтказма билан келган товар янги карточка бўлса, жўнатувчи дўконнинг сотув нархи билан очилади; мавжуд карточкага қўшилса, унинг нархи ўзгармайди.

Филиал бошқа турдаги дўкон бўла оладими?

Ҳа. Филиал асосий дўкон тури билан очилади, керак бўлса уни филиалнинг ўзида Профиль → «Дўкон» бўлимида ўзгартирасиз — масалан, озиқ-овқат дўконининг дорихона филиали. Срок, размер ёки IMEI каби майдонлар филиалнинг ўз турига қараб очилади.

Баланс тугаса нима бўлади?

Ҳамма бирга тўхтайди: асосий дўкон ҳам, филиаллар ҳам. Тўхтаб турган кунлар учун пул олинмайди ва маълумот ўчмайди. Асосий дўкон кабинетидан баланс тўлдирилгач, ҳаммаси бирга ишга тушади. Минус баланс қоидаси филиалларга ҳам тааллуқли.

Филиаллар: бир нечта дўкон — битта ҳисоб, битта баланс

Қисқа жавоб

Филиал қандай очилади

Профиль → «Филиаллар»

«Филиал қўшиш»

«Филиални очиш»

«Шу дўконга ўтиш»

Пул: битта баланс, ҳар филиалнинг ўз кунлик нархи

Ким нимани кўради ва қандай киради

Дўкон эгаси

Ходим

Telegram

Кечки ҳисобот: ҳамма филиал битта хабарда

Билдиришномалар: ҳар ўзгариш битта рўйхатда

Филиални ёпиш ва қайта очиш

Бу бўлим нима ҚИЛМАЙДИ

Филиаллар ҳақида саволлар

Боғлиқ саҳифалар

Ходимлар KPI

Ҳисобот

Telegram орқали ҳисоб

Омбор ҳисоби

Иккинчи дўконни бугун очинг