Штрих-код сканери сотувчининг телефонида: сават, нақд, карта ёки қарзга тўлов, 58 ва 80 мм чек ҳамда кун охирида смена ҳисоби. Алоҳида штрих-код сканери сотиб олиш шарт эмас.
Бу расм эмас. Тепадаги бўлимларни ва пастдаги иконкаларни босиб, илованинг ичига кириб кўрасиз.
Сотув, сканер, смена ва қайтариш телефонда айнан шундай кўринади.
Янги дизайн
Аввалги дизайнЯнги дизайн
Аввалги дизайн
Янги дизайн
Аввалги дизайн
Янги дизайн
Аввалги дизайнСуратлар намойиш дўконидан олинган: улардаги товар номлари, мижозлар ва суммалар ўйлаб топилган. Ҳақиқий дўкон экранида мижозларнинг исми ва қарзи туради, шунинг учун уларни сайтга қўймаймиз. Экраннинг кўриниши эса айнан шундай.
Сканер тугмасини босасиз — камера очилади ва сотув давомида очиқ қолади: товарларни кетма-кет тутаверасиз, базада бор ва қолдиғи етадиган товар саватга ўзи тушади, экран пастида сават номи, нечта хил товар борлиги ва жами сумма туради. Қайси телефонда қандай ўқиши — телефон сканери саҳифасида.
Энг аччиқ гап — сотиб олгандан кейин «меники ўқилмас экан» дейиш. Шунинг учун чегараларни олдиндан айтамиз.
ITF-14, Code-93, Codabar, Data Matrix ва PDF417 ўқилмайди — дорихонадаги маркировка коди ҳам шу рўйхатда. Бундай товарга дўконнинг ўз кодини ясаб, ёрлиқ ёпиштирасиз.
Android ва Chrome’да браузернинг ўз ўқиш двигатели ишлайди — энг тез йўл. iPhone ва Safari’да бундай двигатель йўқ, код кутубхона билан ўқилади.
Оғирлик код ичида келадиган ёрлиқ фақат озиқ-овқат дўконида ўқилади. Товарга иловада тарози рақами (PLU) ясаб, тарозингизга киритасиз; тарози оғирлик учун 22, нарх учун 21 билан бошланадиган 13 хонали код босади.
Honeywell каби USB сканер клавиатура бўлиб уланади: код охирида Enter ёки Tab юборилса, илова уни қўлда теришдан ажратади — сотув, кирим ва қайтаришда ишлайди. Курсор бошқа катакда турса коднинг биринчи икки белгиси ўша катакка тушиб қолиши мумкин.
Навбат келса иккинчи саватни очасиз, миқдорни қўлда ёзасиз, пулни эса мижоз қандай берган бўлса шундай ёзиб қўясиз.
Қарзга сотиш алоҳида рухсат: бермаган бўлсангиз, ходим фақат нақд ва карта билан сотади. Мижоз блокланган ёки лимитидан ошса, сотув ёзилмайди.
Базада бор мижознинг исми ва очиқ қарзи дарҳол чиқади, янги бўлса фақат ўшанда исм сўралади. Рақамсиз қарзга сотиб бўлмайди.
Аралаш тўловда фақат қарзга қолган қисм ёзилади. Кассадан чиққан қарзга муддат қўйилмайди — муддатлисини «Қарз ёзиш» экрани ёки мижоз карточкасидан ёзасиз.
Сотув тугагач «чек чиқарайми?» деб сўралади. Чекда дўкон номи, сана, сотувчи, товарлар, жами ва тўлов тури бўлади; телефон дўконида IMEI ва кафолат муддати ҳам чиқади. Принтерни созлаш — чек принтери қўлланмасида.
Профиль > Чек принтери қаторида 58 ёки 80 мм ни белгилайсиз. Созлама қурилмага эмас, дўконга ёзилади: кассирнинг телефони ҳам иловани кейинги очганда шу ўлчамни олади.
Синов чеки ва синов ёрлиғи ҳақиқий чек йўли билан чиқади — қоғозда кўрингани сотувда ҳам худди шундай бўлади.
Чек ва ёрлиқ браузернинг чоп этиш ойнасида чиқади: принтерни ўша ерда танлаб, масштабни 100% қиласиз. ESC/POS, Bluetooth ёки драйвер орқали тўғридан-тўғри уланиш йўқ.
Кун охирида «кассада шунча пул бўлиши керак эди» деган саволга дастур жавоб беради, сотувчининг қўли қаерга етишини эса сиз белгилайсиз. Батафсил — сотувчини назорат қилиш саҳифасида.
BuySale пулни ўзи қабул қилмайди — фақат қандай келганини ёзиб боради. Кассада тўлов тури учта: нақд, карта ва қарз; QR, терминал ёки ўтказма учун алоҳида тур йўқ.
Карта, QR ёки ўтказма билан тўловни терминал ёки банк иловаси қабул қилади — BuySale уларга уланмаган ва суммани ўзи юбормайди. Тўлов ўтганини терминал ёки банк иловаси экранидан кўриб оласиз.
Сотувни «Карта» тўлов тури билан якунлайсиз: алоҳида «QR» ёки «ўтказма» тури йўқ. Мижоз бир қисмини нақд берса, бўлиб тўлаш билан нақд + карта қилиб ёзасиз.
Ҳисоботда нақд, карта ва қарз алоҳида устунда туради, Telegram уланган бўлса кун якуни ҳам шундай келади. «Карта» суммасини терминал ёки банк иловасидаги тушум билан солиштириб кўрасиз.
58 ёки 80 мм рулонли чек принтери; энини Профиль бўлимида бир марта танлайсиз. Чек браузернинг чоп этиш ойнасидан чиқади: принтерни ўша ерда танлаб, масштабни 100% қиласиз — ESC/POS, Bluetooth ёки драйвер орқали уланиш йўқ.
Йўқ. Чекда фискал белги, солиқ QR коди ёки касса аппарати рақами йўқ — у дўконнинг ўз ҳисоб варақаси. Солиқ талаб қиладиган фискал чек учун касса аппаратингиз алоҳида ишлайди — касса аппарати керакми.
Йўқ. BuySale браузерда (app.buysale.uz) очилади, Android’га APK, компьютерга браузердан илова қилиб ўрнатилади — қандай ўрнатиш. Ўрнатувчи ҳам, моноблок ҳам шарт эмас. Фискал чек керак бўлса, фискал касса алоҳида туради — касса аппарати керакми.
Йўқ. BuySale банк терминалига, UZCARD/HUMO процессингига ва QR тўлов тизимларига уланмаган: суммани терминалга ўзи юбормайди ва пул тушганини ўзи билмайди. Пулни терминал ёки QR иловаси қабул қилади, BuySale’да эса сотувни «Карта» тўлов тури билан якунлайсиз — ҳисоботда у нақддан алоҳида туради.
Тўлов турини «Карта» деб танлайсиз: кассада нақд, карта ва қарз бор, алоҳида «QR» ёки «ўтказма» тури йўқ. Аввал терминал ёки банк иловасида пул тушганини кўриб олинг, кейин сотувни якунланг. Мижоз бир қисмини нақд берса, бўлиб тўлаш билан нақд + карта қилиб ёзасиз — саватда чегирмали товар бўлмаса.
Android ва Windows иловасида — ҳа, 7 кунгача: сотувлар навбатга ёзилади, қолдиқ дарҳол камаяди ва алоқа қайтгач ҳаммаси серверга ўзи юборилади. Браузердаги веб-версияда касса интернет билан ишлайди.
Сотиш, қарзга сотиш, қайтариш ва кассада савдолашиш — тўрт хил рухсат, ҳар бир ходимга алоҳида берасиз. Савдолашиш (харидорга келишилган жамини ёзиб нархни тушириш) «Менежер»дан бошқа тайёр тўпламларда йўқ, товар карточкасидаги чегирма эса нархни ўзгартириш рухсатига боғлиқ. Рухсатни олсангиз, ходим кейинги босишдаёқ тўхтайди — ходим ҳуқуқлари.
Дастур кассада қанча пул бўлиши кераклигини ҳисоблаб, саналган пул билан фарқини дарҳол кўрсатади; фарқ бўлса сабабини ёзиб қўйиш учун жой очилади. Ёпилган сменалар тарихида ким ёпгани, нечта савдо ва фарқ сақланади.
BuySale сканери телефон камераси билан EAN-13, EAN-8, UPC, Code-128, Code-39 ва QR кодларни ўқийди: зум, чироқ, узлуксиз сканерлаш ва қўлда киритиш.
Батафсил →Чек принтерини 58 ёки 80 мм га, ёрлиқ принтерини 40×30 ёки бошқа ўлчамга созлаш, синов чеки ва чоп этишдаги хатоларни тузатиш йўллари.
Батафсил →Мижоз товарни қайтарса: сканерлайсиз, сотув ўзи топилади. Пул нақд, картага ёки қарздан айириб қайтарилади, товар қолдиққа қайтади, фойда ўзи тўғриланади.
Батафсил →Дўконда сотувчини назорат қилиш: смена очиш-ёпиш, кассадаги фарқ, ким қанча сотгани ва таннархни яширадиган рухсатлар. Нима қилмаслиги ҳам ёзилган.
Батафсил →Касса аппарати керакми: онлайн-НКМ, виртуал касса, терминал ва дўкон дастури фарқи, расмий ҳужжатда нима дейилган, нимани сўраш ва BuySale қаерда туради.
Батафсил →
7 кун бепул, тўлов картаси сўралмайди. Кейин кунига 6 630 сўмдан — дўкон турига қараб.
Бепул бошлашBuySale ёрдамчиси
Сайт маълумотлари асосида жавоб беради
AI хато қилиши мумкин — муҳим саволни Telegram орқали аниқланг.
Жавоб ёзилмоқда