Товарни қайтариб олиш — чек қидирмасдан, сканерлаб

Пул қандай қайтади ва ҳисоб ўзи тўғриланади

Уч вариант бор: нақд, картага ёки мижознинг қарзидан айириш. Учинчиси фақат ўша сотувда қарз қатнашган бўлса чиқади ва аралаш тўловда ҳам тўғри ишлайди. Қайтариладиган сумма кассадаги сотув пайтидаги нархдан ҳисобланади — нарх кейин ўзгарган бўлса ҳам.

Сканерлайсиз — дастур қайтариш мумкин бўлган охирги 10 та сотувни топади
Товар шу заҳоти қолдиққа қайтади ва омбор журналида из қолдиради
Тушумдан қайтарилган сумма, фойдадан эса фақат ўша товарнинг устамаси айрилади
Сотилганидан кўп қайтариб бўлмайди — ҳар чек сатрида қанча қайтгани эслаб қолинади
Ходим ҳисоботида ким қанча қайтаргани кўринади — қайтаришни яшириб бўлмайди
Тарози ёрлиғи сканерланса оғирлик код ичидан ўқилади

Қайтариш экрани — илованинг ўзидан

Қайтариш оқими, касса ва ҳисоботдаги натижа телефонда шундай кўринади.

Қайтариш экрани: сканерлаш тугмаси ва қайтариладиган товар карточкаси — **Қайтариш**Товар сканерланади — дастур қайси сотувдан эканини ўзи топади.

Касса экрани: сават, қидирув майдони ва сканер тугмаси — **Касса**Сотув, товар кирими ва чеклар тарихи. Тепасида кассада бўлиши керак бўлган пул.

Ҳисобот экрани: савдо, ялпи фойда, харажат ва соф фойда рақамлари — **Ҳисоботлар**Савдо, ялпи фойда, харажат ва соф фойда. Пастида тўлов турлари ва ким қанча сотгани.

Суратлар намойиш дўконидан олинган: улардаги товар номлари, мижозлар ва суммалар ўйлаб топилган. Ҳақиқий дўкон экранида мижозларнинг исми ва қарзи туради, шунинг учун уларни сайтга қўймаймиз. Экраннинг кўриниши эса айнан шундай.

Бу бўлим нима ҚИЛМАЙДИ

Қайтариш учун муддат чеклови йўқ — “14 кун ичида” деган қоида кодда умуман ёзилмаган. Бир йил олдинги сотувдан ҳам қайтарса бўлади
Дастур кассирга “қарздан шунча, нақд шунча” деб ажратиб айтмайди — экранда фақат умумий сумма чиқади
Қарз қайтариш суммасини қисман ютган ҳолатда кассадан чиққан нақд пул смена ҳисобига тушмайди — бундай ҳолда фарқни изоҳда ёзиб қўясиз
Қайтаришни бекор қилиш ёки ўчириш йўқ — нотўғри ёзилганини иловадан олиб ташлаб бўлмайди
Алоҳида “қайтариш чеки” чоп этилмайди; эски сотув чекида “Қайтарилган −X” сатри чиқади
Мижозга қайтариш ҳақида SMS ёки Telegram хабар юборилмайди
Брак товар алоҳида омборга ажратилмайди — қайтган товар оддий сотиладиган қолдиққа қайтади. Сабаб фақат матн бўлиб ёзилиб қолади
Айирбошлаш (обмен) алоҳида амал сифатида йўқ: аввал қайтарилади, кейин янгиси алоҳида сотилади
Қисман пул қайтариш (масалан 50%), ушлаб қолиш фоизи ёки жарима йўқ — доим тўлиқ сотув нархи қайтарилади
Рухсати йўқ ходимда пастдаги “+” менюсида тугма барибир кўринади — ҳимоя серверда: босилганда сўров рад этилади

Кўп бериладиган саволлар

Мижоз чекини йўқотган бўлса қайтариб ололадими?

Ҳа. Оқим айнан шунга қурилган: товарни сканерлайсиз ва дастур уни қайси сотувдан олинганини ўзи топади — чек рақами ҳам, қоғози ҳам керак эмас. Бир нечта мос сотув чиқса, рўйхатдан бошқасини танлашингиз мумкин: ҳар бирида сана, мижоз ва ўша пайтдаги нарх ёзилган.

Қарзга олинган товар қайтса нима бўлади?

Қайтариш суммаси мижознинг тўланмаган қарзидан айирилади — қарз қанча “юта олса” шунча. Қарз тўлиқ тўланган бўлса, ёзув ўзи “нақд”га ўтказилади ва пул нақд қайтарилади; акс ҳолда мижоз товарни қайтариб, ҳеч нарса олмай қоларди. Қарз дафтарини қўлда тузатиб ўтирмайсиз.

Сотувчи ўзи қайтариш қилиб, пулни олиб қўймайдими?

“Товарни қайтариб олиш” — алоҳида рухсат: бермасангиз, сервер унинг сўровини рад этади (тайёр тўпламлардан “Фақат касса”да бу рухсат йўқ). Рухсат берган бўлсангиз ҳам ҳар бир қайтариш ким қилгани, санаси ва сабаби билан ёзиб қолади, ходим ҳисоботида эса унинг қайтарган суммаси алоҳида қизил рақам бўлиб чиқади — ҳатто ўша даврда умуман сотмаган ходим ҳам рўйхатга қўшилади. Батафсил — ходим ҳуқуқлари ва сотувчи назорати.

Товарни қайтариб олиш — чекни қидирмайсиз

Пул қандай қайтади ва ҳисоб ўзи тўғриланади

Қайтариш экрани — илованинг ўзидан

Бу бўлим нима ҚИЛМАЙДИ

Кўп бериладиган саволлар

Боғлиқ саҳифалар

Касса

Сотувчи назорати

Ходим ҳуқуқлари

Телефон дўкони

Бугун синаб кўринг, эртага фарқни кўрасиз.